නිව් සවුත් වේල්ස් ප්රාන්තයේ කක්කල් කැස්ස රෝගය වාර්තාගත ලෙස ඉහළ යාමත් සමඟ සෞඛ්ය විශේෂඥයින් ජනතාවට අනතුරු ඇඟවීම් නිකුත් කර තිබෙනවා.
ප්රාන්තයේ කක්කල් කැස්ස රෝගීන් දශක තුනකට පසු වාර්තාගත ලෙස ඉහළ ගොස් ඇති බවයි නවතම සෞඛ්ය වාර්තා මගින් අනාවරණ වී ඇත්තේ.
මේ හේතුවෙන් ඔස්ට්රේලියානු සෞඛ්ය බලධාරීන් ජනතාවගෙන් ඉල්ලා ඇත්තේ රෝගයට අදාළ එන්නත් කඩිනමින් ලබා ගන්නා ලෙසයි.
නිව් සවුත් වේල්ස් ප්රාන්තයේ පසුගිය ජූලි මාසයේදී පමණක් කක්කල් කැස්ස රෝගීන් 2490ක් වාර්තා වී ඇති අතර එය අදාළ සංඛ්යා දත්ත ගණනය ආරම්භ වූ 1991 වසරේ සිට වාර්තාවූ වැඩිම රෝගීන් ප්රමාණය ලෙසටයි සැලකෙන්නේ.
2023 වසරේ ඔස්ට්රේලියාවෙන් වාර්තා වූ කැස්ස රෝගීන් ගණන 19,300 ක් වන අතර මෙම වසරේ ගතවූ මාස 7ක කාල සීමාව තුළ වැඩිම රෝගීන් සංඛ්යාවක් වාර්තා වී ඇත්තේ නිව් සවුත් වේල්ස් ප්රාන්තයෙන් බව සඳහන්.
පසුගිය වසරේ වැඩිම කක්කල් කැස්ස රෝගීන් සංඛ්යාවක් වාර්තා වූ ප්රාන්තය ක්වින්ස්ලන්ඩ් වන අතර එහි පදිංචිකරුවන්ට නොමිලේ එන්නත් ලබාදීමේ වැඩසටහනක් ද ආරම්භ කර තිබෙනවා.
බෝවන රෝග විශේෂඥයින් ඉල්ලා සිටින්නේ විශේෂයෙන් මාස 18ට අඩු දරුවන්ට කක්කල් කැස්ස රෝගයෙන් වැඩි අවදානමක් පවතින අතර හැකි ඉක්මනින් තම ප්රාදේශීය සෞඛ්ය නිලධාරීන් හමුවී එන්නත්කරණය සඳහා යොමුවන ලෙසයි.
