නාමයෝජන දිනය මගහැරීම හේතුවෙන් ලිබරල් පක්ෂ අපේක්ෂකයින් 100කට වැඩි පිරිසකට නිව් සවුත් වේල්ස් ප්රාන්තයේ Shoalhaven City Council මැතිවරණය සදහා ඉදිරිපත්වීමට නොහැකි වී තිබෙනවා.
මෙය පක්ෂ ඉතිහාසයේ සිදුවූ දරුණුතම අතපසුවීම බවටයි වාර්තා වන්නේ.
ඔස්ට්රේලියාවේ ප්රධාන මැතිවරණ විශ්ලේෂකයෙකු ඇස්තමේන්තු කර ඇත්තේ මේ හේතුවෙන් පක්ෂයට කවුන්සිලයේ ආසන 50ක් පමණ අහිමි වීමට ඉඩ ඇති බවයි.
ලිබරල් පක්ෂ අධ්යක්ෂකවරයා මේ සම්බන්ධයෙන් කණගාටුව පලකර ඇති අතර ඔහුට එම තනතුරෙන් ඉවත්වන ලෙසටද බලකර තිබෙනවා.
නිව් සවුත් වේල්ස් ප්රාන්තයේ Shoalhaven City Council සදහා වූ මැතිවරණ නාමයෝජනා දිනය මගහැරීම හේතුවෙන් ලිබරල් පක්ෂ අපේක්ෂකයින් 100කට වැඩි පිරිසකට මෙවර මැතිවරණය සදහා ඉදිරිපත්වීමට නොහැකි ව ඇති බවයි වාර්තා වන්නේ.
නිවේදනයක් නිකුත් කරමින් NSW මැතිවරණ කොමිෂන් සභාව කියා සිටියේ, "කොමිසමට ප්රමාද වූ නාමයෝජනා පත්රයක් පිළිගැනීමට හෝ නියමිත කාලය අවසන් වූ පසු ඉදිරිපත් කරන ලද ආකෘති පත්ර වෙනස් කිරීමට ඉඩ නොදෙන" අයුරින් නීතියෙන් බැඳී සිටින බවයි.
