Google සමාගම විසින් පළමු වරට ඔස්ට්රේලියාවට නැමිය හැකි (foldable) ස්මාර්ට් දුරකථනයක් හඳුන්වා දී තිබෙනවා.
Google සමාගම විසින් සමාගමේ මූලස්ථානයේ දී Pixel Watch සහ Pixel Buds හෙඩ්ෆෝන් හි නව මාදිලි ද හඳුන්වා දී ඇති බවයි වාර්තා වන්නේ.
මෙම නව ස්මාර්ට්ෆෝන් තුළ නව කැමරා මෙන්ම AI තාක්ෂණය වැනි විශේෂාංග ද ඇතුලත් කර ඇති බව සඳහන්.
Google Pixel 9 සහ Pixel 9 Pro අඟල් 6.3 ක තිරයකින් සමන්විත වන අතර Pro හි නව XL මාදිලියේ අඟල් 6.8 ක විශාල තිරයක් පවතිනවා.
මෙම දුරකථන තුනේම කැමරා මගින් ඡායාරුප 10 ගුණයක් දක්වා විශාල කර ලබා ගත හැකි අතර AI තාක්ෂණය සමගින් නව අත්හදා බැලීම් ද සිදු කළ හැකි බවටයි දැනුම් දෙන්නේ.
මෙම smart දුරකතන සදහා Add me පහසුකමද ඇතුලත් කර ඇති අතර ඡායාරූපවල අවශ්ය පරිදි හිස්තැන් සම්පූර්ණ කිරීමේ හැකියාවද පවතිනවා.
ඊට අමතරව බැටරි ආයු කාලය ද සාමාන්ය දුරකතනවලට වඩා ඉහළ අගයක් ගන්නා අතර පුරා දිනයක්ම භාවිත කළ හැකි මට්ටමට ඒවා නිර්මාණය කර තිබීම ද විශේෂත්වයක්.
ලබන සැප්තැම්බර් 2වන දා මෙම මාදිලි ඔස්ට්රේලියාවට හඳුන්වා දීමට නියමිත බව Google සමාගම නිවේදනය කර තිබෙනවා.
