ඉදිරි ජනාධිපතිවරණය සඳහා ස්වාධීන අපේක්ෂකයෙකු ලෙසට ඉදිරිපත් වන ජනාධිපති රනිල් වික්රමසිංහ සිය නාමයෝජනා භාරදී තිබෙනවා.
අද පෙරවරුවේ මෙම නාම යෝජනා භාරදීම සිදු කරනු ලැබුවේ රාජගිරියේ පිහිටි මැතිවරණ කොමිෂන් සභා කාර්යාලයේදීයි.
ජනාධිපතිවරණයට ඉදිරිපත් වන අපේක්ෂකයින් සියළු දෙනාම මැතිවරණ කොමිෂන් සභාවට පැමිණ නාමයෝජනා භාරදීම සිදු කරනු ලැබුවා.
විපක්ෂ නායක සජිත් ප්රේමදාස, අනුර කුමාර දිසානායක, නාමල් රාජපක්ෂ, විජයදාස රාජපක්ෂ, දිලිත් ජයවීර ඇතුළු අපේක්ෂකයින් රැසක් මේ වනවිට නාමයෝජනා භාරදී අවසන්.
අද පෙරවරු 11 දක්වා මැතිවරණ කොමිෂන් සභා කාර්යාල ශ්රවණාගාරයේදී නාමයෝජනා භාරගැනීම සිදු කෙරුණු අතර විරෝධතා ඉරිදිපත් කිරීම සඳහා පෙරවරු 11.30 දක්වා අවස්ථාව ලබා දී තිබුණා.
මෙවර ජනාධිපතිවරණයට අදාළ ඇප මුදල් භාරගැනීමේ කාලය ඊයේ දහවල් 12න් අවසන් වූ අතර ඒ වන විට අපේක්ෂකයින් 40 දෙනෙකු ඇප මුදල් තැන්පත් කර ඇති බව මැතිවරණ කොමිෂන් සභාව ප්රකාශ කළා.
නාමයෝජනා භාරගැනීමේ කටයුතුවලින් අනතුරුව ඉදිරිපත් වූ විරෝධතා සලකා බලා ජනාධිපතිවරණයට තෝරාගනු ලැබූ අපේක්ෂකයින් පිළිබඳව මැතිවරණ කොමිෂන් සභාව විසින් ප්රකාශයට පත්කිරීමට නියමිතයි.
