ඔස්ට්රේලියාවේ සුපිරි වෙළඳසැල්වල අලෙවි කරන ළදරු ආහාර වලින් වැඩි ප්රමාණගක් ලෝක සෞඛ්ය සංවිධානයේ මාර්ගෝපදේශවලට අනුකූල නොවන බව අධ්යයනකින් හෙළිව තිබෙනවා.
ඒ අනුව ඇතැම් ළදරු ආහාර ලෝක ආහාර සංවිධානය විසින් නියම කර ඇති සෞඛ්ය සහ ප්රවර්ධනය සඳහා වූ ජාත්යන්තර මාර්ගෝපදේශ සපුරා නොමැති බවයි අනාවරණය වී ඇත්තේ.
වර්තමානයේ ඔස්ට්රේලියාව තුළ ළදරු සහ කුඩා දරුවන්ගේ ආහාරපාන සදහා වැඩි ජනප්රියතාවක් පැවතියද එම නිශ්පාදනයන්හි ගුණාත්මකභාව පිළිබද ගැටලු මතුව තිබෙනවා.
ළමුන් මෙන්ම දෙමාපියන් ආකර්ෂණය කර ගැනීම සමත් අලෙවිකරණ ලේබල මගින් බොහෝ දෙනා මෙම නිශ්පාදන මිලදීගැනීමට පෙළෙබී ඇති අතර එහි ප්රමිතීන් පිළිබද අවධානය යොමු නොකරන බවයි හෙළිව ඇත්තේ.
George Institute for Global Health ආයතනය විසින් ඔස්ට්රේලියාවේ ප්රධාන සුපිරි වෙළඳසැල් හි අලෙවි කරන ළදරු සහ කුඩා දරුවන්ගේ ආහාර 309 විශ්ලේෂණය කරමින් මෙම අධ්යනය සිදුකර තිබුණා.
එහිදි සනාතවී ඇත්තේ එලෙස සුපිරි වෙළදසැල්හි අලෙවිකරණ කුඩා ළමුන්ගේ ආහාර නියමිත සෞඛ්ය ප්රමිතීන් සපුරා නැති බවයි.
එම ආහාරවලින් හතරෙන් තුනකට වඩා වැඩි ප්රමාණයක් සමස්ත පෝෂණ අවශ්යතා ලකුණු සපුරා නොතිබූ අතර ඒවායින් බොහොමයක් අතිරික්ත කැලරි හෝ සීනි අඩංගු බව සොයාගෙන තිබෙනවා.
අතිරික්ත කැලරි පරිභෝජනය දරුවන් පසුකාලීනව තරබාරුකමට පත් කරන අතර පැණිරස ආහාර නිදන්ගත දියවැඩියා සඳහා මගපාදන බවයි අනාවරණයවී ඇත්තේ.
