මෙල්බර්න් මොනෑෂ් විශ්ව විද්යාලයේ සිට ක්ලේටන් දුම්රිය ස්ථානය දක්වා ගමන් කළ බස් රථයකදී කාන්තාවකට ලිංගික හිංසන සිදු කළ පුද්ගලයෙක් සොයා පොලිස් පරීක්ෂණ ආරම්භ වී තිබෙනවා.
මෙම කාන්තාව පසුගිය 4 වනදා සවස 4ට පමණ මගී තදබදයෙන් යුතු බස් රථයක ගමන් කරමින් සිටියදී මෙම අතවරයට ලක්ව ඇති බවටයි පැවසෙන්නේ.
බසය මගීන්ගෙන් පිරී තිබීම හේතුවෙන් මෙම කාන්තාවට ඉවතට යාමට නොහැකි වූ අතර සිදුවීම සැලවීමත් සමග බසයේ සිටි සෙසු මගින් මැදිහත් වී ඇයට සහාය ලබාදී තිබෙනවා.
මෙම සැකකාර පුද්ගලයා අනෙකුත් මගීන් සමඟ ද අසභ්ය වචන හුවමාරු කරගෙන ඇති බවට තොරතුරු ලැබී ඇති බවයි වික්ටෝරියා පොලිසිය සඳහන් කළේ.
මගීන්ගෙන් එල්ල වූ විරෝධතා හමුවේ බසයෙන් බැසගත් සැකකරු පසුව තරුණියක් වෙත ගොස් ඇයට ද අසභ්ය වචන ප්රකාශ කර ඇති බවට චෝදනා පවතිනවා.
වෙනත් චෝදනා කිහිපයක් සම්බන්ධයෙන් දැනට ප්රජා විශෝදන මධ්යස්ථානයක සිටින පුද්ගලයෙකු මෙම සිද්ධියට සම්බන්ධ බවට පොලිසිය සැක කරන අතර එම අවස්ථාවේ බස් රථයේ හෝ දුම්රිය ස්ථානය අසල සිටි මගීන්ට මේ පිළිබඳ කරුණු දැනුම් දෙන ලෙසටයි පොලිසිය ඉල්ලා ඇත්තේ.
