දීර්ඝ කාලීනව පවතින COVID 19 රෝගී තත්වයන් විශ්වාසදායක ලෙස හඳුනා ගැනීමට සාමාන්ය රසායනාගාර පරීක්ෂණවලදී
නොහැකි බව ජාත්යන්තර පර්යේෂණයකට අනුව හෙළිවී තිබෙනවා.
වැඩිහිටි රෝගීන් 10,000කට අධික සංඛ්යාවක් යොදාගෙන සිදු කළ අධ්යයනයකින් හෙළි වී ඇත්තේ සෑම ඔස්ට්රේලියානුවන් 5 දෙනෙකුගෙන් 1 අයෙකු පෙළෙන රෝගය නිවැරදිව හඳුනාගෙන ප්රතිකාර කිරීමට වඩාත් සුවිශේෂී තොරතුරු අවශ්ය බවයි.
ඇමරිකාවේ ජාතික සෞඛ්ය ආයතනයේ (NIH) පර්යේෂකයන් විසින් සිදු කළ අත්හදා බැලීම සඳහා ලියාපදිංචි වූ රෝගීන් පිරිසකට සාමාන්ය රසායනාගාර පරීක්ෂණ 25ක් සිදු කර තිබෙනවා.
ඒ අනුව දීර්ඝ කාලීනව COVID පවතින බවට වලංගු සායනික සාක්ෂි නොමැති අතර රෝග විනිශ්චය සඳහා රෝගියාගේ සවිස්තරාත්මක වෛද්ය ඉතිහාසය මෙන්ම රසායනාගාර පරීක්ෂණ භාවිතා කිරීම අවශ්ය වන බවයි පැවසෙන්නේ.
අධ්යයනයට සහභාගි වූ රෝගීන්ගේ සම්මත රසායනාගාර පරීක්ෂණ 25ක් සම්පූර්ණ කර ඇති අතර පසුව ඔවුන් වසර දෙකක් පුරා නිතිපතා සමීක්ෂණ සහ රසායනාගාර පරීක්ෂණවලට ද ලක් කර තිබෙනවා.
දිගු කාලින COVID රෝග ලක්ෂණ හේතුවෙන් එදිනෙදා කටයුතුවලට දැඩි බලපෑමක් විය හැකි බැවින් ඉක්මනින රෝග විනිශ්චය කිරීම අත්යවශ්ය සාධකයක් වනවා.
සමීක්ෂණයේ නිරත වූ වෛද්ය කණ්ඩායමේ අරමුණ වී ඇත්තේ දීර්ඝ කාලීන කොවිඩ් රෝගය හමුවේ පීඩාවට පත්ව සිටින පුද්ගලයින්ට වඩාත් සුදුසු ප්රතිකාර ලබා ගැනීම සඳහා එය හඳුනා ගැනීමට සහාය වන සලකුණු සොයා ගැනීමයි.
