පාසල් යන බව පවසා නිවසින් අතුරුදන් වූ මෙල්බන් පදිංචි 16 හැවිරිදි සිසුවා සතියකට ආසන්න කාලයක් සිදු කළ සෝදිසි මෙහෙයුම්වලින් පසු නිරුපද්රිතව හමුවී තිබෙනවා.
සිඩ්නි Penrith ප්රදේශයේදී අද අලුයම 1ට පමණ පොලිසිය මෙම සිසුවා සොයාගෙන ඇති බවයි සඳහන් වන්නේ.
ක්රිෂ් ලෙස හැඳින්වෙන ක්රිෂාන්ක් කාර්තික් පසුගිය 5 වන සඳුදා උදෑසන 7.45 ට පමණ මෙල්බර්න් Truganina ප්රදේශයේ පිහිටි නිවසින් පාසලට යන බව පවසා පිටත්ව ගිය ද පන්තියට ගොස් තිබුණේ නැහැ.
තම දරුවා පාසලට ගොස් නොමැති බවට හෙළි වීමෙන් පසුවයි පවුලේ ඥාතීන් පොලිසියට පැමිණිලි කර ඔහුගේ ඡායාරූප ද සමාජ මාධ්ය වෙත එක් කරමින් උදව් ඉල්ලා තිබුණේ.
ඔහු අවසන් වරට දැක ඇත්තේ අමතර ඇඳුම්, බෑගයක් සහ ගමන් මල්ලක් රැගෙන මෙල්බන් නගරයේ දුරකථන අලෙවි සලකදීයි.
මෙම පිරිමි ළමයාගේ අතුරුදන්වීම සම්බන්ධයෙන් ඥාතීන් සමාජ මාධ්යවල තැබූ සටහනකින් පසු දුරකථන වෙළඳසැලක හිමිකරු ඔවුන් අමතා ප්රකාශ කර තිබුණේ එදිනම පස්වරුවේ ක්රිෂාන්ක් ඔහුගේ iPhone 14 Pro දුරකථනය තමන්ට විකුණා ඇති බවයි.
ඔහුගේ අතුරුදහන් වීම පිළිබඳ පරීක්ෂණවලින් පසුව අද අලුයම 1ට පමණ පෙන්රිත් හිදී පොලිසිය සිසුවා සොයාගෙන ඥාතීන්ට භාරදී තිබෙනවා.
මෙම සිසුවාගේ මව සමාජ මාධ්ය සටහනක් තමබින් සඳහන් කළේ මෙම අවස්ථාවේ තම පුත්රයා සොයා ගැනීමට සහාය වූ සියලු දෙනාට ස්තුතිවන්ත වන බවයි.
