ඕස්ට්රේලියාවේ නිවාස අර්බුදය මධ්යයේ නිවාස නොමැතිව කූඩාරම්වල සිටින පිරිස උපරිම ධාරිතාවයට පැමිණ ඇතැයි වාර්තා වනවා.
නිවාස අර්බුදය ඉතා දරුණු තත්වයකට පත්වී ඇති අතර එය දැන් නිවාස ව්යසනයක් ලෙස හඳුන්වා දිය හැකි බවයි විශ්ලේෂකයින් ප්රකාශ කර ඇත්තේ.
නිවාස නොමැති පුද්ගලයන් වෙනුවෙන් සැපයෙන සේවා සඳහා වැඩි වශයෙන් ජනතාව යොමු කෙරෙන අතර මාර්ග හෝ උද්යානවල කුඩාරම්වල රාත්රිය ගත කරන ජනතාවට යාමට තැනක් නොමැති බව ද හෙළිවී තිබෙනවා.
සිඩ්නිහි Wesley Edward Eagar Centre නිවාස නොමැති බොහෝ දෙනෙකුට ජීවන මාර්ගයක් වී තිබුණ ද සෑම දිනකම කාමර සම්පූර්ණයෙන්ම වෙන් කර ඇති බැවින් ඔවුන්ට ද ඉල්ලුම සපුරාලීමට අරගලයක නිරත වීමට සිදුවී ඇති බවයි පැවසෙන්නේ.
නව සංඛ්යාලේඛනවලට අනුව පසුගිය මූල්ය වර්ෂය තුළ දෙමාපියන් සහ දරුවන් 88,000ක් නිවාස අහිමි වූවන් බවට පත්වී ඇති බව අනාවරණය වී තිබෙනවා.
ඊට ප්රධාන හේතුව වශයෙන් පෙන්වා දී ඇත්තේ දැරිය හැකි මුදලකට ලබා ගත හැකි කුලී නිවාස නොමැතිකම බව සඳහන්.
