දකුණු ඔස්ට්රේලියාවේ නිවාස ඉදි කිරීම් සමාගමක් වූ ඇඩිලේඩ් ඩිසයිනර් හෝම්ස් සමාගමේ සේවා කටයුතු අවසන් කිරීමට පියවර ගෙන තිබෙනවා.
මෙම සමාගම විසින් ඉදි කිරීම් සිදු කළ මෙතෙක් වැඩ අවසන් නොකළ නිවාස 20ක් ද පවතින බවයි වාර්තා වන්නේ.
සමාගමේ බිඳවැටීම හේතුවෙන් ණය හිමියන් 80කට වැඩි පිරිසකට ඔවුන්ගේ පාඩුව ආපසු ගෙවීමේ ගැටළුවක් ද මතුවී තිබෙනවා.
සමාගමට ඉදිරියට යා නොහැකි බව නිවාස හිමියන්ට ලිඛිතව දැනුම් දෙමින් ඉදි කෙරෙමින් තිබූ නිවාස හිමිකරුවන්ට භාර දීමටයි පියවර ගෙන ඇත්තේ.
ඇඩිලේඩ් ඩිසයිනර් හෝම්ස් හි සේවකයෙක් මාධ්ය වෙත සඳහන් කර ඇත්තේ සමාගම කාලයක සිට මූල්යමය පීඩනයකට ලක්ව සිටි බවයි.
මෙම සමාගම, මෑත වසරවල ඉහළ යමින් ඇති ඉදි කිරීම් ද්රව්ය පිරිවැය හේතුවෙන් පිඩනයට ලක්වූ සමාගම් කිහිපයකින් එකක් වන අතර COVID වලට පෙර අත්සන් කරන ලද ගිවිසුම් හේතුවෙන් ඔවුන්ට ලාභ ලැබීමට හැකියාවක් ලැබී නැහැ.
