කිසියම් කණ්ඩායමක් තඹ කම්බි සොරකම් කිරීම හේතුවෙන් වික්ටෝරියා ප්රාන්ත නගරයක් වන වුඩන්ඩ් හි (Woodend) නිවාස 2300කට පමණ අන්තර්ජාල සේවා බිඳවැටී තිබෙනවා.
තඹ කම්බි ජාවාරමට සම්බන්ධ පුද්ගලයන් කණ්ඩායමක් සිදු කළ මෙම විනාශකාරීන් ක්රියාව හේතුවෙන් සමස්ත නගරයකම අන්තර්ජාල සේවා බිඳ වැටී ඇති බවයි වාර්තා වන්නේ.
මැසිඩෝන් කඳුවැටියේ කුඩා නගරයක් වන වුඩන්ඩ් හි නිවාස 2,800කට ආසන්න ප්රමාණයක් ඇති අතර ඉන් බොහොමයක් NBN ජාලයේ ෆයිබර් ටු ද නෝඩ් (FTTN) සමග සම්බන්ධ වනවා.
එම ප්රදේශයේ ජනතාව ඊයේ උදෑසන සමාජ මාධ්ය ඔස්සේ අන්තර්ජාල ඇනහිටීම පිළිබඳ සටහන් තබා තිබූ බව සඳහන්.
NBN සමාගමේ ප්රකාශකයෙකු පැවසුවේ තම ගනුදෙනුකරුවන් 2,300ක් පීඩාවට පත්ව ඇති අතර කාර්ය මණ්ඩලය අන්තර්ජාල සහ දුරකථන සේවා යථා තත්ත්වයට පත් කිරීමට කටයුතු කරමින් සිටින බවයි.
මෙම තඹ කම්බි සොරකම අන්තර්ජාල සේවා සමාගම විසින් වික්ටෝරියා පොලිසියට පැමිණිලි කර තිබෙනවා.
මාධ්ය වාර්තා පෙන්වා දෙන්නේ විදුලි සංදේශ සේවාවලට අයත් කම්බි තඹ සොරුන්ගේ බලපෑමට ලක් වූ පළමු අවස්ථාව මෙය නොවන අතර 2023 වසරේදී ද සන්බරි ප්රදේශයෙන් ඩොලර් දහස් ගණනක් වටිනා තඹ සොරකමක් සිදුවී තිබූ බවයි.
