වාර්ෂිකව පැවැත්වෙන City25Surf මැරතන් තරගය සඳහා මෙම සති අන්තයේ සිඩ්නි නගරය සහ අවට ප්රධාන මාර්ග කිහිපයක් වසා තැබෙන බව නිවේදනය කර තිබෙනවා.
ඇස්තමේන්තුගත කර ඇති පරිදි මෙම තරගය සඳහා පුද්ගලයන් 90,000ක් පමණ සිඩ්නි පැමිණෙනු ඇති බවයි සඳහන් වන්නේ.
ඒ අනුව සිඩ්නි අවට මාර්ග භාවිත කරන රියදුරන් හැකිතාක් විකල්ප මාර්ග භාවිත කරන ලෙස පොලිසිය දැනුම් දී තිබෙනවා.
Woolloomooloo සහ Edgecliff අතර මාර්ග උදෑසන 6 සිට වසා තැබෙන අතර එම මාර්ග යළි විවෘත කරනු ලබන්නේ දහවල් 12ටයි.
Double Bay සහ Bondi මාර්ග ඉරිදා උදෑසන 7 සිට වසා තැබෙන අතර දහවල් 2ට යළිත් එම මාර්ග රථ වාහන ධාවනය සඳහා විවෘත වනු ඇති.
Bondi Beach සහ Bondi Junction අතර කලාප ද උදෑසන 7ට වසා තැබෙන අතර සවස 4වන විට යළිත් සාමාන්ය පරිදි රථ වාහන ගමනා ගමන කටයුතු ආරම්භ වන බවයි සිඩ්නි රථවාහන අංශ දැනුම් දී ඇත්තේ.
