හරින් ප්රනාන්දු සහ මනුෂ නානායක්කාර යන අයගේ පක්ෂ සාමාජිකත්වය අහෝසි කිරීමට ගත් තීන්දුව නීත්යානූකුල බව අද (09) ශ්රේෂ්ඨාධිකරණ නියෝග කර තිබෙනවා.
තම පක්ෂ සාමාජිකත්වය අහිමි කිරීමට සමගි ජන බලවේගය ගත් තීරණය නීතියට පටහැනි බවට තීන්දුවක් ලබාදෙන ලෙස ඉල්ලා මනුෂ නානායක්කාර සහ හරින් ප්රනාන්දු යන අමාත්යවරුන් ඉදිරිපත් කළ පෙත්සම් නිෂ්ප්රභ කරමින් ශ්රේෂ්ඨාධිකරණය මෙම තීන්දුව ලබා දී ඇති බව සඳහන්.
විජිත් මළල්ගොඩ, අචල වෙංගප්පුලි සහ අර්ජුන ඔබේසේකර යන මහත්වරුන්ගෙන් සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ලක් විසින් අදාළ තීන්දුව ලබාදී තිබෙනවා.
මෙම තීන්දුව මීට පෙර ඩයනා ගමගේ හිටපු මන්ත්රීවරිය සම්බන්ධයෙන් ලබාදුන් තීන්දුව හා සමාන වන අතර ඒ අනුව හරින් ප්රනාන්දු සහ මනුෂ නානායක්කාර යන දෙදෙනාගේ පාර්ලිමේන්තු මන්ත්රී අසුන් මෙන්ම අමාත්ය ධුර ද අහිමි වීමට ඉවහල් වනු ඇති.
හරින් ප්රනාන්දු සහ මනුෂ නානායක්කාර පක්ෂයෙන් නෙරපා හැරීමේ තීරණය සමගි ජන බලවේගයේ කෘත්යාධිකාරී මණ්ඩලය විසින් 2023 ජූලි 18 වන දින ගනු ලැබුවේ 2022 මැයි මාසයේදී ඔවුන්ගේ සාමාජිකත්වය අත්හිටුවීමෙන් පසුවයි.
මෙම මන්ත්රීවරුන් දෙදෙනා පක්ෂයේ ස්ථාවරයට පටහැනිව ජනාධිපති ගෝඨාභය රාජපක්ෂ රජයේ අමාත්ය ධුර භාර ගැනීමෙන් පසුව මෙම අත්හිටුවීම් සිදු වුණා.
හරීන් ප්රනාන්දු එම රජයේ සංචාරක, ඉඩම් සහ ක්රීඩා අමාත්යවරයා ලෙස කටයුතු කළ අතර මනූෂ නානායක්කාර කම්කරු හා විදේශ රැකියා අමාත්යවරයා ලෙසට කටයුතු කර තිබෙනවා.
මෙම තනතුරු භාර ගනිමින් ඔවුන් දෙදෙනා අවධාරණය කළේ තමන් ජාතික අවශ්යතා වෙනුවෙන් ක්රියා කරන අතර රට මුහුණ දී සිටින දරුණු ආර්ථික අර්බුදය විසඳීමට උත්සාහ කරන බවයි.
කෙසේ වෙතත්, ඔවුන්ගේ ක්රියාව සමගි ජන බලවේගය විසින් හඳුන්වා දෙනු ලැබුවේ පක්ෂයේ විනය ක්රියාමාර්ගවලට හේතු වන පක්ෂ මූලධර්ම පාවාදීමක් ලෙසටයි.
ශ්රේෂ්ඨාධිකරණයේ තීන්දුව මගින් සමගි ජන බලවේගයේ තීරණය අනුමත කරන අතර ඔවුන් දෙදෙනා පක්ෂයෙන් නෙරපා හැරීම තහවුරු කිරීම පමණක් නොව මැතිවරණ නීතියට අනුව ස්වයංක්රීයව පාර්ලිමේන්තුවෙන් නුසුදුස්සෙකු වීමට ද හේතු වනු ඇති.
