ඉන්දීය ක්රිකට් කණ්ඩායමේ ඔස්ට්රේලියා තරග සංචාරය සඳහා දින නියම වී තිබෙනවා.
ඒ අනුව ලබන නොවැම්බර් 30 සහ දෙසැම්බර් 01 යන දෙදින තුළදී කැන්බරා හි මනුකා ඕවල් ක්රීඩාංගණයේදී දිවා රාත්රී දෙදින තරගයක් පැවැත්වෙනු ඇති.
ඔස්ට්රේලියා අගමැතිවරයාගේ කණ්ඩායම සහ ඉන්දීය ජාතික ක්රිකට් කණ්ඩායම අතර මෙම තරගය සංවිධාන කර තිබෙනවා.
මේ පිළිබඳ අදහස් දක්වන අගමැති ඇන්තනී ඇල්බනීස් පවසන්නේ දෙරට අතර ක්රිකට් සහයෝගීතාවය තවත් වර්ධනය වන අවස්ථාවක් ලෙස මෙය හඳුන්වාදිය හැකි බවයි.
මෙම තරගයට ක්රීඩා කරන සංචිතය තෝරා ගැනීම සඳහා තමන් ඉදිරියේදී ජාතික තේරීම් කමිටුව හමුවීමට අපේක්ෂා කරන බවද ඔහු සඳහන් කළා.
මෙම දෙදින දිවා – රාත්රී තරගය වෙනුවෙන් රෝස පැහැති පන්දුවක් යොදා ගැනීමටයි නියමිතව ඇත්තේ.
ඔස්ට්රේලියා අගමැතිවරයාගේ කණ්ඩායමකට එරෙහිව ඉන්දීය ක්රිකට් කණ්ඩායම විසින් තරග වදිනු ලබන්නේ වසර 20 කට පසුව වීම ද විශේෂත්වයක්.
