වසර හතරකට පසු ඔස්ට්රේලියාවේ නිවාස මිල ගණන් ඉහලයෑමේ වේගය මන්දගාමී ස්වරූපයක් ගෙන ඇතැයි වාර්තා වනවා.
CoreLogic වාර්තා අනුව ප්රධාන අගනගර ආශ්රීත කුලී නිවාස ඉල්ලුම අඩුවීමත් සමඟ ජූලි මාසයේදී කුලී නිවාස මිල ගණන් සියයට 0.1 ක සාමාන්ය වැඩිවීමක් සිදුව ඇති බවයි වාර්තා වන්නේ.
පසුගිය වසර පහ තුළ කුලී නිවාස මිල අගය සියයට 39.7කින් ඉහළ ගොස් තිබූ අතර මෙම පුවත ඔස්ට්රේලියානු කුලී නිවැසියන් සඳහා වඩාත් සුබ පණිවුඩයක් ලෙසයි සැළකෙන්නේ.
CoreLogic ආර්ථික විද්යාඥ Kaitlyn Ezzy පැවසුවේ මේ පිළිබඳ අධ්යනය සිදුකළ අගනගර ආශ්රිත වෙලඳපොලෙහි ප්රාග්ධන වෙනස්කම් ඉස්මතු වන බවයි.
ජූලි මාසයේ ඇඩිලේඩ් කුලී නිවාස මිල සියයට 0.6 කින් ද මෙල්බන් සහ පර්ත්හිහි කුලී නිවාස මිල සියයට 0.3 කින් ඉහළ ගිය අතර ඩාර්වින් සහ කැන්බරා හි මිල ඒකාකාරි අගයක් ගෙන තිබුණා.
තවද සිඩ්නි සහ බ්රිස්බන්හි කුලී නිවාස අගය සියයට 0.1 කින් පහත වැටුණු අතර හෝබාර්ට් හි සියයට 0.3 කින් පහත වැටී ඇති බව සඳහන්
කුලී නිවැසියන්ට කුලී පියවා ගැනීම සඳහා මුදල් ණයට ගැනීමට නොහැකි වීමත් සමඟ බොහෝ දෙනා හවුල් නිවාස සහ වඩාත් දැරිය හැකි මිල ගණන් යටතේ වූ නිවාස ප්රදේශවලට නැවත පදිංචියට යොමුව ඇති බවයි වාර්තා වන්නේ.
ආර්ථික විද්යාඥ Kaitlyn Ezzy පවසන්නේ කිලී නිවැසියන් තමන්ගේම නිවාස මිලදී ගැනීම වැනි විකල්ප වෙත යොමු වන බවට හඳුනාගෙන ඇති බවයි.
