ඔස්ට්රේලියාවේ බොහෝ අගනගරවල නිවාස කුලී මිල ගණන්වල සුලු පහල යාමක් පෙන්නුම් කළ ද සිඩ්නි නගරයේ කුලී නිවාස වෙලඳපොල තුළ කිසිදු සහනයක් පෙන්නුම් නොකරන බව නව සමීක්ෂණ මගින් අනාවරණ වී තිබෙනවා.
නිවාස ඉල්ලුම ලිහිල් වුව ද සිඩ්නි කුලී නිවාස වෙලඳපොල තවමත් අර්බුදයක පවතින බවයි මෙමගින් හෙළිවී ඇත්තේ.
සිඩ්නි නගරයේ සතියකට ඩොලර් 370ක මුදලකට පුටු දෙකක් සමග මේසයක් සහ තට්ටු දෙකේ ඇඳක් සතිත කුඩා කාමරයක් කුලියට දීමට පළ කර ඇති දැන්වීමක් ද මේ වන විට කතා බහට ලක්වී තිබෙනවා.
නවතම Corelogic දත්තවලට අනුව සිඩ්නි නගර කලාපයේ කුලී දර්ශකය පසුගිය ජූලි මාසයේදී සියයට 0.1 කින් පමණ ඉහළ ගොස් ඇති අතර එය 2020 අගෝස්තු මාසයෙන් පසු අඩුම මුදලකින් ඉහළ ගිය පළමු අවස්ථාවයි.
නිවාස පුරප්පාඩු අනුපාත ජුනි කාර්තුවේදී සියයට 1.68 කින් ඉහළ ගොස් ඇති අතර එය ගතවූ මාස 18 කට වැඩි කාලයක් තුළ දක්නට ලැබුණු ඉහළම අනුපාතය බව ද සඳහන්.
CoreLogic හි පර්යේෂණ අධ්යක්ෂ Tim Lawless පැවසුවේ මේ වන විට පවතින කුලී මිල ගණන් වර්ධනය 2023 පළමු කාර්තුවේ පැවති විදේශ සංක්රමණයේ උච්චතම අවස්ථාව සමඟ සමාන වන බවයි.
ජාත්යන්තර සිසුන් ඇතුලු විදේශීය සංක්රමණිකයින්ගෙන් බහුතරයක් තාවකාලික වීසා මත ඔස්ට්රේලියාවට පැමිණෙන අතර ඔවුන් හේතුවෙන් නිවාස ඉල්ලුම වැඩි වන බවයි ඔහු පෙන්වා දෙන්නේ.
