නිව් සවුත්වේල්ස් ප්රාන්තයේ දේපල වෙළඳ නියෝජිතායතනයක් හොඳම කුලී නිවැසියන් සඳහා සම්මාන ප්රදානය කිරීමේ වැඩසටහනක් ආරම්භ කර තිබෙනවා.
එම ආයතනය විසින් පිරිනමනු ලබන මාසයේ කුලී නිවැසියා සම්මානය මතභේදයට තුඩු දී ඇති අතර සම්මානවලට වඩා කුලී නිවැසියන්ට වඩා ගෞරවයෙන් සලකන ලෙස ඉල්ලීම් ඉදිරිපත් වෙමින් ඇති බවයි පැවසෙන්නේ.
මෙරට දැවැන්තම දේපළ වෙළඳ නියෝජිත ආයතනයක් ලෙසට සැලකෙන රේ වයිට් හි (Ray White) හිමිකරුවෙකු සමාජ මාධ්ය ඔස්සේ නව ජයග්රාහකයින් ප්රකාශයට පත් කර ඇත්තේ කුලී නිවැසියන් සම්මානය සඳහා සුදුසුකම් ලැබීමට නම් කුලිය නියමිත වේලාවට ගෙවිය යුතු බව පවසමින්.
කෙසේවෙතත් නිව් සවුත්වේල්ස් ප්රාන්තයේ කුලී නිවැසියන්ගේ සංගමයේ ප්රධාන විධායක ලියෝ රොස් පැවසුවේ මෙම දිරිගැන්වීම කුලී නිවැසියන් සහ නියෝජිතායතන අතර සම්බන්ධතාවයට බලපෑම් එල්ල වී ඇති බවයි.
වසරකට ඩොලර් දස දහස් ගනනක් කුලී මුදල් ගෙවන තමන් බලාපොරොත්තු වන්නේ ඉහළ සේවා තත්වයක් සහ ගෞරවයක් මිස ගනුදෙනු කර සතුටක් ලැබීමේ තත්වයක් නොවන බවයි ඔවුන් පෙන්වා දෙන්නේ.
කුලී නිවැසියන්ට නිසි ගෞරවයක් නොමැතිකම සම්බන්ධයෙන් තම සංගමයට පැමිණිලි රැසක් ලැබෙන බව ද ඔහු ප්රකාශ කළා.
නිවාස අලුත්වැඩියා කිරීමට අපොහොසත් වීම, පෞද්ගලිකත්වයට සිදු වන හානි, සාකච්ඡා කර ගැටළුවක් විසඳා ගැනීමට වඩා නෙරපා හැරීම වැනි ගැටලුවලට කුලී නිවැසියන් මුහුණ දෙන බව සඳහන්.,
මේ අතර රේ වයිට් ආයතනය තැබූ සමාජ මාධ්ය සටහන සම්බන්ධයෙන් කිසියම් අයෙකුට අපහසුතාවක් සිදු වූයේ නම් සමාව ඉල්ලා තිබෙනවා.
තම සංවිධානයේ අරමුණ වූයේ තම සමාගමේ කාර්යාල එහි සාමාජික කුලී නිවැසියන් සමඟ ඇති සබඳතා පෙන්නුම් කිරීම බවයි ඔවුන් සඳහන් කර ඇත්තේ.
