ප්රංශයේ පැරිස් නුවර පැවැත්වෙන ඔලිම්පික් තරගාවලියට එක්ව සිටින ඔස්ට්රේලියානු Kookaburras hockey ක්රීඩකයෙකු වන තෝමස් ක්රේග් (Thomas Craig) එරට ආරක්ෂක අංශ විසින් අත්අඩංගුවට ගෙන තිබෙනවා.
මෙම හොකී ක්රීඩකයා කොකේන් මිලදී ගැනීමට උත්සාහ කළ බව කියන සිද්ධියක් සම්බන්ධයෙන් අත්අඩංගුවට ගෙන ඇති බවයි වාර්තා වන්නේ.
ඔස්ට්රේලියා ඔලිම්පික් කමිටුව (AOC) තහවුරු කළේ ක්රීඩක තෝමස් ක්රේග් අඟහරුවාදා රාත්රියේ අත්අඩංගුවට ගෙන ඇති අතර දැඩි අවවාද මත ඔහු නිදහස් කර ඇති බවයි.
මෙම සිදුවීම සම්බන්ධයෙන් ඔලිම්පික් ක්රීඩකයා සමාව අයැද තිබෙනවා.
මෙම දරුණු වරද සම්බන්ධ සියලු වගකීම් තමා භාර ගන්නා අතර එවැනි වැරදි මගින් සෙසු ක්රීඩකයන්ගේ, නිලධාරීන්ගේ හෝ තම පවුලේ සාමාජිකයන්ගේ වටිනාකම්වලට හානියක් නොවන බවයි ඔහු ප්රකාශ කර ඇත්තේ.
ඊයේ අලුයම, කොකේන් මිලදී ගැනීමට උත්සාහ කරන බවට ආරක්ෂක අංශවලට හෙළි වීමෙන් පසු ඔස්ට්රේලියා ක්රීඩකයා අත්අඩංගුවට ගෙන ඇති අතර මත්ද්රව්ය අලෙවිකරු ද අත්අඩංගුවට ගෙන තිබෙනවා.
