මුල් ළමාවිය අධ්යාපන ක්ෂේත්රයේ ගුරුවරුන් ඇතුලු සේවකයන් සඳහා වැටුප් වැඩි කිරීමට ෆෙඩරල් රජය අරමුදල් ලබාදීමට තීරණය කර තිබෙනවා.
ඒ අනුව ළමා සුරැකුම් මධ්යස්ථාන ගාස්තු වැඩි කිරීම සීමා කර තැබෙන කාලය තෙක් වසර දෙකක් තුළ සියයට 15 කින් වැටුප් වැඩි කිරීමටයි රජය සැලසුම් කර ඇත්තේ.
කාන්තා ශ්රම බලකාය ශක්තිමත් කිරීමේ අරමුණින් වෙන් කෙරෙන ඩොලර් බිලියන 3.6ක අරමුදලේ කොටසක් ලෙසට මුල් ළමාවිය සංවර්ධන ආයතනවල අධ්යාපන සේවකයින් සඳහා සියයට 15 ක වැටුප් වැඩිවීමක් සිදු කරන බව රජය නිවේදනය කර තිබෙනවා.
මෙම වැටුප් වැඩිවීම මෙම වසරේ දෙසැම්බර් මාසයේ සියයට 10ක වැඩිවීමකින් ආරම්භ වන අතර 2025 දෙසැම්බර් මාසයේ සිට තවත් සියයට 5ක වැටුප් වැඩි වීමක් සිදු වනු ඇති.
මුල් ළමා විය සංවර්ධන මධ්යස්ථානවල සාමාන්ය ගුරුවරයෙකුට මෙම වැටුප් ඉහළ නැංවීම හමුවේ සතියකට අවම වශයෙන් ඩොලර් 103 ක වැටුප් වැඩිවීමක් ලැබෙනු ඇති අතර ඒ අනුව ඔවුන්ගේ සතියක සාමාන්ය වැටුප ඩොලර් 1,135ක් පමණ වනවා.
ලබන වසරේ හිමි වන සියයට 5 වැටුප් වැඩි වීම සමග එය ඩොලර් 1,187ක් දක්වා ඉහල යනු ඇති බව සඳහන්.
පාසල් දරුවන් රැකබලා ගන්නා සේවකයන්ට ද මෙම වැටුප් වැඩිවීම අදාළ වන අතර රජය ප්රකාශ කළේ එම වියදම් දරුවන්ගේ පවුල්වල සාමාජිකයන්ට බලපෑමක් නොවන පරිදි සේවකයන්ට ද සාධාරණ වැටුපක් ලබාදීමට සැලසුම් කර ඇති බවයි.
