පසුගිය 2023 වසරේ ඔස්ට්රේලියාවේ අලෙවි වූ මිල අධිකම නිවාස 10 පිළිබද තොරතුරු ඇතුලත් නව වාර්තාවක් නිකුත් කර තිබෙනවා.
මෙහි විශේෂත්වය වන්නේ මෙලෙස වැඩිම මිලට අළෙවි වූ නිවාස 10ම පිහිටා ඇත්තේ සිඩ්නි නගරයේ වීමයි.
ඒ අනුව සිඩ්නි නගරයේ අලෙවි වී ඇති මිල අධිකතම නිවස Point Piper, Wolseley Roadහි පිහිටි “Notrella” ලෙස නම් කරන ලද නිවස වන අතර එහි වටිනාකම ඩොලර් මිලියන 51.5ක්.
දෙවෙනියට අළෙවි වූ මිල අධිකතම නිවස Kambala Road හි පිහිටි Bellevue Hill වන අතර එම නිවස විකුණා ඇත්තේ ඩොලර් මිලියන 39.35 කට බව සඳහන්.
එම නිවස නිදන කාමර හතරක් සහ නාන කාමර පහකින් සමන්විත සුවිසල් නිවසක්.
සිඩ්නි නිවාස අලෙවියෙන් තුන්වන වැඩිම විකුණුම් මුදල Queens Avenue හි Vaucluse යන නිවසින් ලැබී ඇති අතර එහි විකුණුම් මිල සටහන්ව ඇත්තේ ඩොලර් මිලියන 39ක් ලෙසටයි.
මීට අමතරව Vaucluse Road හි Vaucluse නිවස ඩොලර් මිලියන 36.2කටත් Ginahgulla Road, හි පිහිටි Bellevue Hill නිවස ඩොලර් මිලියන 34.75ක මිලකට ද පසුගිය වසරේ අලෙවි කර තිබුණා.
