මෙල්බන් Werribee ප්රදේශයේ අතුරුදහන් වූ සිසුවෙකු සොයා විමර්ශනයක් ආරම්භ කර තිබෙනවා.
16 හැවිරිදි මෙම සිසුවා අවසන් වරට දැක ඇත්තේ මෙල්බර්න් සාප්පු මධ්යස්ථානයකදී බවයි වාර්තා වන්නේ.
පසුගිය සඳුදා උදෑසන පාසලට පිටත්ව ගිය ක්රිෂ් නොහොත් ක්රිෂාන්ක් කාර්තික් යන මෙම සිසුවා නැවත නිවසට නොපැමිණීම සම්බන්ධයෙන් ඥාතීන් පොලිසියට පැමිණිලි කර තිබෙනවා.
ක්රිෂාන්ක් කාර්තික් සඳුදා පෙරවරු 7.45 ට පමණ ටෘගානිනා (Truganina) ප්රදේශයේ පිහිටි නිවසින් සුසෑන් කෝරි පාසලට (Suzanne Cory High School ) පිටත්ව ගිය ද පාලට පැමිණ නොමැති බවයි සඳහන් වන්නේ.
පාසලට නොගිය ඔහු එදින දහවල් 1.20ට පමණ මෙල්බන් නගරයේ වෙළඳසැලකට තම දුරකථනය ද විකුණා ඇති බවට හෙළිවී තිබෙනවා.
මෙම සිසුව තම අධ්යයන කටයුතුවල දක්ෂතා දක්වන අයෙක් වන බවත් ඔහුගේ ඔහුගේ මෑත කාලීන හැසිරීම් කිසිවක් සැක සහිත නොවූ බවයි වාර්තා වන්නේ.
මෙම සිසුවා සම්බන්ධයෙන් තොරතුරක් වෙතොත් 03 9742 9444 අංකයෙන් පොලිසියට දැනුම් දෙන ලෙසට ඉල්ලීමක් කෙරෙනවා.
