ෆෙඩරල් රජයේ මැතිවරණය සඳහා බඳවා ගැනීමට නියමිත අතිරේක සේවකයින් සදහා පැයකට ඩොලර් 35ක ගෙවීමක් සිදුකරන බව මැතිවරණ කොමිසම ප්රකාශ කර තිබෙනවා.
ඔස්ට්රේලියානු මැතිවරණ කොමිසම (AEC) ෆෙඩරල් මැතිවරණයට පෙර සේවකයන් 100,000 කට වැඩි පිරිසක් බඳවා ගැනීමට අදාළ අයදුම්පත් මේ වන විට කැදවා ඇති බවයි වාර්තා වන්නේ.
ඉදිරිපෙළ ඡන්ද පොළ කාර්ය මණ්ඩලය, අධීක්ෂකවරුන්, ජංගම නිරීක්ෂක කණ්ඩායම්, දුරස්ථ ප්රදේශ සේවා කණ්ඩායම් සහ ගණන් කිරීමේ කාර්ය මණ්ඩලය යන තනතුරු සඳහා අයදුම් කිරීමට ඔස්ට්රේලියාව පුරා සිටින පුද්ගලයින්ට අවස්ථාව හිමිවනවා.
මෙහිදි බොහෝ රැකියා සඳහා බඳවා ගැනීම් නිව් සවුත් වේල්ස් ප්රාන්තය කේන්ද්ර ගත කර ගනිමින් සිදුවන අතර ඡන්දදායකයින් වැඩි පිරිසක් නිව් සවුත් වේල්ස් හි සිටීම ඊට හේතුවයි.
දෙවනුව වික්ටෝරියා ප්රාන්තයේ ද තුන්වනුව ක්වීන්ස්ලන්ඩ් ප්රාන්තයේ ද වැඩි රැකියා අවස්ථා පවතින බවයි වාර්තා වන්නේ.
මැතිවරණ කොමසාරිස් ටොම් රොජර්ස් ප්රකාශ කළේ මැතිවරණ රාජකාරි සඳහා උනන්දුවක් දක්වන ඕනෑම අයෙකුට මේ වෙනුවෙන් අයදුම් කිරීමට අවස්ථාව පවතින බවයි.
ඒ අනුව නිව් සවුත්වේල්ස් ප්රාන්තයේ පුරප්පාඩු 42,600ක්, වික්ටෝරියා ප්රාන්තයේ පුරප්පාඩු 33,000ක්, ක්වීන්ස්ලන්ඩ් හි පුරප්පාඩු 25,000ක්, දකුණු ඔස්ට්රේලියාවේ 10,500ක්, බටහිර ඔස්ට්රේලියාවේ 15,000ක් සහ උතුරු කලාපයේ 2000ක් ලෙස පුරප්පාඩු දක්වා නිවේදනය කර තිබෙනවා.
