නීත්යානුකූල සීමාව මෙන් 6 ගුණයක ප්රමාණයක් රුධිරයේ මධ්යසාර සාන්ද්රණයක් තිබූ මෙල්බන් රියදුරෙකු පොලිස් භාරයට ගෙන තිබෙනවා.
ඊයේ පස්වරුවේ මත්පැන් භාවිතා කර රිය පැදවීමේ චෝදනා මත පොලිස් භාරයට ගත් ඔහුගේ රුධිර සාම්පල පරික්ෂාවේදී යි මෙම තොරතුරු හෙළිවී ඇත්තේ.
55 හැවිරිදි මෙම පුද්ගලයා ඊයේ සවස 2.30ට පමණ O’Shea Road ප්රදේශයේදී වික්ටෝරියා පොලිසිය විසින් නතර කර පරික්ෂා කර තිබුණා.
පැකන්හැම්හි (Pakenham) පදිංචිකරුවෙක් වන මෙම රියදුරුට මූලික ශ්වසන පරීක්ෂණයක් සිදු කරන ලද අතර එහි .294 ක ප්රතිඵලයක් පෙන්නුම් කර තිබෙනවා.
පොලිසිය විසින් එම පුද්ගලයාගේ රියදුරු බලපත්රය වහාම ක්රියාත්මක වන පරිදි අත්හිටුවන ලද අතර ඩොලර් 895ක දඩයක් නියම කරමින් වාහනය පොලිස් භාරයට ගෙන ඇති බවයි සඳහන් වන්නේ.
බීමතින් රිය පැදවීම සම්බන්ධයෙන් ඔහුට එරෙහිව නඩු පවරන බව පොලිසිය ප්රකාශ කර තිබෙනවා.
