ශ්රී ලංකා ධාවන ශූරි තරුෂි කරුණාරත්න විසින් 2024 පැරිස් ඔලිම්පික් තරගවලදී භාවිතා කළ ක්රීඩා ඇඳුම් කට්ටලයක් ස්විට්සර්ලන්තයේ Lausanne හි පිහිටා ඇති ජාත්යන්තර ඔලිම්පික් කමිටුවේ (IOC) ක්රීඩා කෞතුකාගාරයේ ප්රදර්ශනය සඳහා භාරදී තිබෙනවා.
මෙවර ඔලිම්පික් උළෙලේ කාන්තා මීටර 800 ඉසව්ව සඳහා ආසියාව නියෝජනය කළ ළාබාලතම ක්රීඩිකාව වීම හේතුවෙනුයි ඇයගේ ඇඳුම් කට්ටලයක් මෙලෙස ප්රදර්ශනයට ඉදිරිපත් කෙරෙන්නේ.
ශ්රී ලංකාව නියෝජනය කරන ක්රීඩකයෙකුගේ ඇඳුම් කට්ටලයක් Lausanne හි IOC කෞතුකාගාරයේ ප්රදර්ශනය කිරීමට තෝරාගෙන ඇත්තේ ඉතිහාසයේ පළමු වරට බව ද සඳහන්.
ඒ අනුව තරුෂි සිය අත්සනින් යුතුව ක්රීඩා ඇඳුම් කට්ටලය IOC කෞතුකාගාරයේ ප්රදර්ශන හා වැඩසටහන් පිළිබඳ ජ්යෙෂ්ඨ කළමනාකාරිනී ඈන් ජැකාර්ඩ් වෙත උත්සවාකාරයෙන් පිරිනමා තිබුණා.
එලෙස කළ පරිත්යාගය අගයමින් තරුෂිට ජාත්යන්තර ඔලිම්පික් කමිටුවේ සභාපති තෝමස් බැච් විසින් අත්සන් කරන ලද සහතිකයක් ද ලැබෙනු ඇති.
