නිව් සවුත්වේල්ස් පොලිසිය විසින් සිඩ්නි නගරය පුරා සිදු කළ මෙහෙයුමකදී පොදු ප්රවාහනයේ විවිධ වැරදිවලට සම්බන්ධ පුද්ගලයන් 227කට වඩා අත්අඩංගුවට ගෙන තිබෙනවා.
මෙම පුද්ගලයන්ට චෝදනා 400කට අධික සංඛ්යාවක් ගොනු කර ඇති බවයි පොලිසිය සඳහන් කළේ.
Parramatta, Kingswood, Penrith, Winston Hills, Bondi Junction සහ Surry Hills යන ප්රදේශවලදී මෙම අත්අඩංගුවට ගැනීම් සිදුවී තිබෙනවා.
පහරදීම්, කොල්ලකෑම් සහ ලිංගික හිංසන ඇතුළු බරපතල අපරාධවලට සම්බන්ධ වැරදිකරුවන් මෙම මෙහෙයුමේ ඉලක්කය වූ බව සඳහන්.
පසුගිය මාසයේ ආරම්භ වූ මෙම විශේෂ මෙහෙයුමට නිලධාරීන් 200කට වැඩි පිරිසක් යොදවා ඇති අතර නගරය පුරා විවිධ සෝදිසි වරෙන්තු සහ ගිනි අවි සම්බන්ධ පරීක්ෂා කිරීම් ද සිදු කර තිබෙනවා.
ගෘහස්ථ ප්රචණ්ඩත්වය, මත්ද්රව්ය සහ අවි ආයුධ සම්බන්ධ චෝදනා, පිහි, පතොරම් සහ තහනම් මත් ද්රව්ය ද මෙම විශේෂ පොලිස් මෙහෙයුමේදී අත්අඩංගුවට ගත් බවයි පොලිසිය කියාසිටියේ.
සහකාර කොමසාරිස් ස්ටීවන් හෙගාර්ටි ප්රකාශ කළේ මෙම මෙහෙයුම අඛණ්ඩව සිදු කරන අතර පොදු ප්රවාහන ජාලයේ සිදුවන අපරාධ මර්දනයට පොලිසියේ පූර්ණ බලය භාවිතා කරන බවයි.
