ඔස්ට්රේලියා ක්රිකට් ආයතනයේ ප්රධාන විධායක නිලධාරී නික් හොක්ලි (Nick Hockley) සිය ධුරයෙන් ඉල්ලා අස්වීමට තීරණය කර තිබෙනවා.
නික් හොක්ලි සඳහන් කළේ මෙය දුෂ්කර තීරණයක් වුව ද තවත් අභියෝගයක් භාර ගැනීමට මෙය සුදුසු කාලය වන අතර නව ප්රධාන විධායක නිලධාරියෙකු තෝරා ගැනීමට පාලක මණ්ඩලයට ප්රමාණවත් කාලයක් පවතින බවයි.
වසර 13 කට ආසන්න කාලයක් ඔස්ට්රේලියා ක්රිකට් ආයතනය වෙනුවෙන් සේවය කළ නික් හොක්ලි (Nick Hockley) වසර 5ක කාලයක් ප්රධාන විධායක නිලධාරීවරයා කටයුතු කර තිබෙනවා.
ඔස්ට්රේලියා ක්රිකට්වලට සම්බන්ධ විවිධ තනතුරුවල සේවය කර ඇති හොක්ලි 2020 ජුනි මාසයේදී ඔස්ට්රේලියා ක්රිකට් හි අන්තර්වාර ප්රධාන විධායක නිලධාරී ලෙස පත් කරන ලද අතර මාස එකොළහකට පසුව ස්ථිර ප්රධාන විධායක නිලධාරී ලෙස පත් කරනු ලැබුවා.
ඔස්ට්රේලියා පිරිමි සහ කාන්තා කණ්ඩායම් පන්දුවාර 20 සහ එක්දින ලෝක කුසලාන දිනා ගැනීම මෙන්ම පසුගිය වසරේ ලෝක ටෙස්ට් ශූරතාවලිය ජය ගැනීම සහ පොදුරාජ්ය මණ්ඩලීය ක්රීඩා උළෙලේ කාන්තා රන් පදක්කම් ඇතුළුව පිටියේ සැලකිය යුතු සාර්ථකත්වයක් ලැබූ කාලසීමාව තුළ නික් හොක්ලි ප්රධාන විධායක නිලධාරී තනතුරේ කටයුතු කළා.
2022 වසරේ ඔස්ට්රේලියා කණ්ඩායම ද 1998 වසරෙන් පසු පළමු වරට පාකිස්තානයේ සංචාරය කිරීම ද වැදගත් සිදුවීමක්.
නික් හොක්ලි 2025 වසරේ මාර්තු මාසයේ අවසානය දක්වා හෝ ඔහුගේ ධුරයේ මීළඟට වැඩ භාර ගන්නා නිලධාරියා පත් කිරීමෙන් පසු ඉවත් වීමට අපේක්ෂා කරන බව සඳහන්.
