බංග්ලාදේශයේ රාජ්ය විරෝධී කණ්ඩායම් එරට පාර්ලිමේන්තු සංකීර්ණයට කඩා වැදී ඇති බව විදෙස් මාධ්ය වාර්තා පවසනවා.
උත්සන්න වන නොසන්සුන්තා හේතුවෙන් අගමැතිනි ෂීක් හසීනා ඉල්ලා අස්වී රටින් පිටවී ආරක්ෂාව සඳහා ඉන්දියාවට ගොස් ඇති බවයි සඳහන් වන්නේ.
විරෝධතාවල නිරත කණ්ඩායම් අගමැතිවරියගේ පක්ෂ කාර්යාලය ද ගිනි තබා ඇති බව ද සඳහන්.
අගමැතිනිය ඉවත් වීමත් සමග බංග්ලාදේශයේ අන්තර්වාර රජයක් පිහිටුවන බව එරට හමුදා ප්රධානියා වන වේකර් උස් සමාන් නිවේදනයක් කළා.
විරෝධතාකරුවන් දහස් ගණනක් පවතින ඇඳිරි නීතිය ද නොතකා අගනුවර වීදිවල ගමන් කර අගමැති මන්දිරයට කඩා වැදී තිබුණා.
පසුගිය දින කිහිපයේ බංග්ලාදේශයේ ඇති වූ විරෝධතා වල දී 300කට ආසන්න පිරිසක් ජීවිතක්ෂයට පත් වූ අතර විශාල ප්රමාණයක් තුවාල ලැබුවා.
විරෝධතාකරුවන් රජයේ රැකියා කෝටාවට විරෝධය පල කරමින් කටයුතු කළ ද පසුව අගමැතිනිය ධූරයෙන් ඉවත්විය යුතු බවට විරෝධතා සිදු කර තිබෙනවා.
