ශ්රී ලංකා පොදුජන පෙරමුණේ ජාතික කැඳවුම්කරු වන පාර්ලිමේන්තු මන්ත්රී රෝහිත අබේගුණවර්ධන ඉදිරි ජනාධිපතිවරණයේ දී ජනාධිපති රනිල් වික්රමසිංහට සහාය පළ කිරීමට තීරණය කර තිබෙනවා.
ඔහු මේ බව කියා සිටියේ, කළුතර ප්රදේශයේ පැවැති ජන හමුවකට එක්වෙමින්.
ශ්රී ලංකා පොදුජන පෙරමුණ විසින් වෙනම අපේක්ෂකයෙකු ජනාධිපතිවරණයට ඉදිරිපත් කිරීම සඳහා තීරණයක් ගෙන ඇති පසුබිමක මෙම තීරණය ගැනීමත් විශේෂත්වයක්.
ලෙබනනය පුරා වාර්තා වූ සමූහ පිපිරීම්වලින් පසු පලස්තීනය, ඊශ්රායලය, සිරියාව සහ ලෙබනනය ඇතුලු මැදපෙරදිග යන රටවලට සංචාරය කිරීමෙන් වළකින්නැයි ඔස්ට්රේලියාව තම පුරවැසියන්ට අවධාරණය කර තිබෙනවා.
භයානක ශ්වසන රෝගී තත්වයක් වන RSV වෙනුවෙන් ලබාදෙන එන්නත දකුණු ඔස්ට්රේලියාවේ ගර්භනී කාන්තාවන්ට සහ ළදරුවන්ට නොමිලේ ලබාදීමට තීරණය ඇතැයි වාර්තා වනවා.
රෙක්ස් (Rex) සහ බොන්සා (Bonza) කලාපීය ගුවන් සේවා ඔස්ට්රේලියාවේ අගනුවරවලින් ඉවත්වීම සමග දේශීය ගුවන් යානාවල ගමන් ගාස්තු ඉහළ ගොස් ඇති බව නව පර්යේෂණයකින් අනාවරණ වී තිබෙනවා.
ඉදිකිරීම්, වන සංරක්ෂණ සහ සමුද්රීය සේවක සංගමයේ (CFMEU) විරෝධතා හේතුවෙන් මෙල්බන් සහ සිඩ්නි නගර වෙත කම්කරුවන් දහස් ගණනක් එක්ව සිටින බව වාර්තා වනවා.
මෙල්බන් සසේෆ්රාස් (Sassafras) ප්රදේශයේ අධිවේගී මාර්ගයක සිදු වූ රිය අනතුරකින් පැය 10කට පමණ කාලයකට පසු අනතුරට ලක්වූ මෝටර් රථයේ සිරවී සිටි රියදුරා බේරා ගැනීමට හැකිවී ඇතැයි වාර්තා වනවා.
නව යොවුන් වියේ පසුවන්නන් අතර වඩාත් ජනප්රිය සමාජ මාධ්ය යෙදවුමක් වන ඉන්ස්ටග්රෑම් (Instagram) විසින් නව ආරක්ෂිත ක්රමවේදයක් හඳුන්වා දීමට පියවර ගෙන තිබෙනවා.
Don’t miss our future updates! Get Subscribed Today!
