බ්රිතාන්යයේ සවුත්පෝට් (Southport) ප්රදේශයේ සිදු වූ පිහි ඇනුමට එරෙහිව පැවති විරෝධතාවලට එක්වූ විශාල පිරිසක් පොලිස් අත්අඩංගුවට ගෙන තිබෙනවා.
ප්රචණ්ඩකාරීව හැසිරුණු පිරිස් වෙළඳසැල් ඉදිරිපිට ගිනි තැබීම් වැනි කටයුතුවල නිරත වීම හේතුවෙන් මෙලෙස අත්අඩංගුවට ගෙන ඇති බවයි වාර්තා වන්නේ.
ටේලර් ස්විෆ්ට්ගේ ප්රසංගයක් වෙනුවෙන් පැවති නර්තන පන්තියකට එක්වී සිටි කුඩා ළමයින් තිදෙනෙකුට මරු කැඳවූ පිහි ඇනුමෙන් පසුව එක්සත් රාජධානියේ නගර පුරා ගැටුම් උත්සන්න වෙමින් තිබෙනවා.
ඇතැම් සමාජ ක්රියාකාරීන් සමාජ මාධ්ය ඔස්සේ වැරදි තොරතුරු පතුරුවා හරින බවට ද විරෝධතාකරුවන් චෝදනා කරන අතර සවුත්පෝට් ප්රහාරකයා එක්සත් රාජධානියට නීතිවිරෝධී ලෙස පැමිණි සංක්රමණිකයෙකු බවට ද වාර්තා වී ඇති බව සඳහන්.
මෙම තත්වය මත 17 හැවිරිදි සැකකරු වේල්ස් අගනුවර වන Cardiff හි උපත ලබා ඇති බව එක්සත් රාජධානියේ පොලිසිය තහවුරු කර තිබෙනවා.
බ්රිතාන්ය අගමැති කීර් ස්ටාර්මර් ද කැබිනට් මණ්ඩලයේ ජ්යෙෂ්ඨ අමාත්යවරුන් හමුවී නොසන්සුන්තාව පිළිබඳව සාකච්ඡා කළ අතර අන්තවාදීන්ට එරෙහිව ක්රියාමාර්ග ගැනීමට පොලිසියට පූර්ණ සහාය දෙන බවයි අග්රාමාත්යවරයා ප්රකාශ කළේ.
