එළඹෙන ජනාධිපතිවරණයේ දී විපක්ෂ නායක සජිත් ප්රේමදාසට සහාය ලබාදීමට ශ්රී ලංකා නිදහස් පක්ෂයේ දයාසිරි ජයසේකර ඇතුලු කණ්ඩායමක් තීරණය කර තිබෙනවා.
එම පක්ෂයේ ආසන සංවිධායකයින් සමඟ අද (03) පැවැති සාකච්ඡාවකින් අනතුරුවයි අදාළ තීරණය ගෙන ඇත්තේ.
පාර්ලිමේන්තු මන්ත්රී තිලංග සුමතිපාල සහ නිදහස් පක්ෂයේ ජ්යෙෂ්ඨ සාමාජිකයෙකු වන මහාචාර්ය රෝහණ ලක්ෂ්මන් පියදාස ද මෙම අවස්ථාවට එක්ව සිටියා.
කෙසේවෙතත් ඉදිරි ජනාධිපතිවරණයේදී ජනාධිපති රනිල් වික්රමසිංහට සහාය ලබාදීමට තීරණය කළ බවයි ශ්රී ලංකා නිදහස් පක්ෂය පසුගියදා නිවේදනය කළේ.
ශ්රී ලංකා නිදහස් පක්ෂ දේශපාලන බලමණ්ඩලය සහ මධ්යම කාරක සභාව පසුගිය 31 වනදා පස්වරුවේ රැස්වී ඒ පිළිබඳව අවසන් තීරණයක් ගෙන තිබුණා.
මන්ත්රී දුමින්ද දිසානායක එහිදී සඳහන් කළේ තම පක්ෂයෙන් සහාය ඉල්ලා ලිඛිත ඉල්ලීමක් කර ඇත්තේ වර්තමාන ජනාධිපති රනිල් වික්රමසිංහ මහතා පමණක් බවයි.
