පසුගිය සතිය තුළ මෙල්බන් සහ ඒ අවට ප්රදේශවලින් වාර්තා වන ලීජනෙයාරිස් (Legionnaires) රෝගීන්ගේ සැලකිය යුතු වැඩි වීම හමුවේ එහි පැතිරීම පිළිබඳ වික්ටෝරියා සෞඛ්ය අංශ විමර්ශනයක් ආරම්භ කර තිබෙනවා.
පසුගිය ජුලි මස 26 වන සිකුරාදා සිට මේ දක්වා තහවුරු කළ රෝගීන් 71ක් සහ සැක සහිත රෝගීන් 7ක් වාර්තා වී ඇති අතර බොහෝ ආසාදිතයන් වයස අවුරුදු 40ට වැඩි පුද්ගලයන් බවයි වාර්තා වන්නේ.
පෙරේදා මෙම රෝගයෙන් සිදු වූ පළමු මරණය ද වාර්තා වූ අතර එලෙස මියගියේ 90 හැවිරිදි කාන්තාවක්.
ලීජනෙයාරිස් (Legionnaires) රෝගය වැළඳීමේදී උණ, උගුරේ වේදනාව, කැස්ස, හිසරදය සහ මාංශ පේශි කැක්කුම වැනි රෝග ලක්ෂණ සමඟ පපුවේ ආසාදනයක් ඇති කළ හැකි බව සඳහන්.
මෙමගින් වඩාත්ම අවදානමට ලක්ව ඇත්තේ වයස අවුරුදු 40ට වැඩි පුද්ගලයන්, වෙනත් නිධන්ගත රෝගී තත්වයන් හෝ ප්රතිශක්තිකරණ දුර්වලතා මෙන්ම දුම් පානය කරන පුද්ගලයින් බව සෞඛ්ය අංශ ප්රකාශ කළා.
ලීජනෙයාරිස් (Legionnaires) නම් නියුමෝනියා රෝගය වැළඳුණු මෙල්බන් අවට පුද්ගලයන් 71 දෙනෙකු මේ වන විට රෝහල් ගතව ප්රතිකාර ලබන බවයි වික්ටෝරියා සෞඛ්ය දෙපාර්තමේන්තුව නිවේදනය කළේ.
වික්ටෝරියා ප්රාන්ත සෞඛ්ය බලධාරීන් පවසන්නේ මෙල්බන් හි උතුරු සහ බටහිර ප්රදේශවල ගය පැතිර යමින් ඇති බවයි.
මෙම රෝග ව්යාප්තියේ මූලාශ්රය මෙල්බන් හි ලැවර්ටන් නෝර්ත් සහ ඩෙරිමට් ප්රදේශයේ ජල පද්ධතියකට සම්බන්ධ බවට සැක කෙරෙන බව වික්ටෝරියා ප්රාන්ත ප්රධාන සෞඛ්ය නිලධාරි ක්ලෙයාර් ලුකර් ප්රකාශ සඳහන් කළා.
මේ අතර ලීජනෙයාරිස් රෝගී තත්වයේ රෝග ලක්ෂණ සහිත පුද්ගලයන් සිටින්නේ නම් වහාම හදිසි වෛද්ය ප්රතිකාර ලබා ගන්නා ලෙස වික්ටෝරියා ප්රාන්ත අගමැතිනි ජසින්තා ඇලන් දැනුම් දීමක් සිදු කර තිබෙනවා.
පපුවේ ආසාදනය, සිරුරේ වේදනාව, හිසරදය, උණ, කැස්ස වැනි රෝග ලක්ෂණ පවතින අතර විශේෂයෙන් ප්රතිශක්තිකරණය අඩු වයෝවෘද්ධ පුද්ගලයින් සහ දුම් පානය කරන්නන්ට ආසාදනය වීමේ වැඩි අවදානමක් පවතින බවයි සෞඛ්ය අංශ පෙන්වා දෙන්නේ.
