මෝරුන්ගේ අවදානම ඉහළ යාම හේතුවෙන් බටහිර ඔස්ට්රේලියාවේ ජනප්රිය වෙරළ තීරයක් සංචාරකයන් සඳහා වසා දැමීමට පියවර ගෙන තිබෙනවා.
මෝරුන්ගේ ප්රහාර හේතුවෙන් මියගොස් ඇති තල්මසුන්ගේ මළ සිරුරු විශාල ප්රමාණයක් ත්රී බෙයර්ස් බීච් (Three Bears beach) ප්රදේශයේ පවතින බවයි සඳහන් වන්නේ.
පාවෙන තල්මසුන්ගේ සිරුරු මගින් පෙන්නුම් කෙරෙන්නේ ප්රදේශයේ මෝරන්ගේ අවදානම වැඩි වීමක් වන බැවින් එම වෙරළ තීරයේ කොටසක් වසා දැමීමට පියවර ගෙන තිබෙනවා.
මීටර 8.5ක පමණ දිගින් යුත් ටොන් නවයක් පමණ බරැති දැවැන්ත තල්මසෙකුගේ සිරුරක් ඊයේ සිට ත්රී බෙයර්ස් වෙරළ ආසන්නයේ පාෂාණ අතර රැඳී ඇති බවයි වාර්තා වන්නේ.
ඒ අනුව මෙම සති අන්තය තුළ වෙරළ තීරයේ කිලෝමීටර් දෙකක් වන කලාපයේ කිමිදීම, දිය නෑම හෝ සර්ෆින් ක්රීඩාවේ නිරත නොවන ලෙසටයි අනතුරු අඟවා ඇත්තේ.
තල්මසාගේ සිරුරු කොටස් ජලයේ ඇති බැවින් මෝරුන්ගේ අවදානම පවතින බව වනජීවී බලධාරීන් ප්රකාශ කළා.
