කොවිඩ් වසංගත තත්වයෙන් පසු කාර්යාලවල සේවයට පැමිණීම සේවකයන් ප්රතික්ෂේප කිරීම හේතුවෙන් ඔස්ට්රේලියාවේ ප්රධාන නගර රැසක කාර්යාල පුරප්පාඩු ඉහළ මට්ටමක පවතින බවට අනාවරණ වී තිබෙනවා.
කාර්යාල පුරප්පාඩු අනුපාත ඉහල යමින් පවතින පසුබිමක අගනුවර කිහිපයක් සේවකයන් ආකර්ශනය කර ගැනීමට අරගලයක නිරත වන බවයි වාර්තා වන්නේ.
ඔස්ට්රේලියාවේ දේපල කවුන්සිලය 2024 ජූලි මාසයට අදාළ කාර්යාල වෙළඳපල වාර්තාව නිකුත් කළ අතර එමගින් පෙන්නුම් කර ඇත්තේ ජාතික වශයන් කාර්යාල පුරප්පාඩු අනුපාතය මේ වන විට සියයට 14.6ක අගයක පවතින බවයි.
එය සාමාන්යය අගයට වඩා සියයට 4ක වැඩිවීමක්.
බ්රිස්බන් හි පුරප්පාඩු අනුපාතය වසර 10කට පමණ පසු පළමු වතාවට සියයට 11.7 සිට 9.5ක් දක්වා අඩු වී තිබෙනවා.
සිඩ්නි CBD හි කාර්යාල පුරප්පාඩු අනුපාතය ද සියයට 12.2 සිට 11.6 දක්වා පහත වැටුණු අතර ඇඩිලේඩ් සියයට 19.3 සිට 17.5 දක්වා පහත වැටී ඇති බව සඳහන්.
මෙල්බන්වල පුරප්පාඩු අනුපාතය සියයට 16.6 සිට සියයට 18 දක්වා ඉහළ යාමත් සමඟ ප්රවීණයන් පවසන්නේ මෙල්බන් නගරය තවමත් දැඩි අභියෝගවලට මුහුණ දෙන බවයි.
කැන්බරා හි වෙළඳපල ද සියයට 8.3 සිට 9.5 දක්වා වැඩි වූ අතර, පර්ත් හි 14.7 සිට සියයට 15.5 දක්වා ඉහළ ගොස් තිබෙනවා.
ඕස්ට්රේලියාවේ දේපල කවුන්සිලයේ ප්රධාන විධායක මයික් සෝර්බාස් පැවසුවේ වික්ටෝරියානු රජයට සමෘද්ධිමත් නගරයක් නිර්මාණය කර ගැනීම සඳහා සතියකට දින කිහිපයක් හෝ ශ්රම බලකායෙන් කොටසක් නැවත නගරයට ගෙන්වා ගැනීමට පියවර ගත යුතු බවයි.
