සිංගප්පූරුව සමඟ ජාත්‍යන්තර සංචාර ඇරඹීමට ඕස්ට්‍රේලියාව සැරසේ.

සිංගප්පූරුව සමඟ සංචාරක බුබුලක් (travel bubble) නිර්මාණය කිරීමට ඕස්ට්‍රේලියානු රජය කටයුතු කිරීමත් සමඟ ඕස්ට්‍රේලියානුවන්ට බලාපොරොත්තු වූවාට වඩා ඉක්මනින් විදේශීය සංචාරයන් ආරම්භ කල හැකි බව සඳහන් වේ.

මේ පිළිබඳව​ ඕස්ට්‍රේලියානු වෙළඳ අමාත්‍ය ඩෑන් ටෙහාන් සහ රජයේ සේවා අමාත්‍ය ස්ටුවර්ට් රොබට් දැනටමත් සිංගප්පූරු රජයේ නිලධාරීන් සමඟ සාකච්ඡා කරමින් සිටින බව වාර්තා වේ. නවසීලන්තය ද ඉදිරියේදී මෙම සංචාරක බුබුලට එක් වීමට අපේක්‍ෂා කරන බව සඳහන් වේ.

නියෝජ්‍ය අගමැති මයිකල් මැකෝර්මාක් පැවසුවේ ජූලි මාසය වන විට මෙම සංචාරක බුබුල ක්‍රියාත්මක වනු ඇතැයි අපේක්ෂා කරන බවයි. කෙසේවෙතත්, ඔහු වැඩිදුරටත් පවසා සිටියේ මෙම සංචාරක බුබුල ක්‍රියාත්මක වන්නේ කොරෝනා එන්නත් ලබා දීමේ වැඩපිළිවෙල මත බවයි.

ඒ අනුව​, කොරෝනා එන්නත් ලබා ගත් බවට සාක්‍ෂි ඉදිරිපත් කල පසු ඕස්ට්‍රේලියානුවන්ට විදේශ කටයුතු දෙපාර්තමේන්තුවේ අවසරයක් නොමැතිව සිංගප්පූරුව බලා පිටත්ව යා හැකිය. ඒ හා සමානව, සිංගප්පූරු වැසියන්ට එන්නත් කිරීම පිළිබඳ සාක්ෂි සැපයිය හැකි නම්, සති දෙකක අනිවාර්ය හෝටල් නිරෝධායනයක් සම්පූර්ණ නොකර ඕස්ට්‍රේලියාවට යාමට ඉඩ දෙනු ඇත.

වයස 35 ඉක්මවූ පශ්චාත් උපාධි අපේක්ෂකයින්ට ෆෙඩරල් රජයෙන් උපදෙසක්

ටෙම්පරි ග්‍රැජුඒට් වීසා (Temporary Gratuate visa) කාණ්ඩය යටතේ පැනවූ නව සීමා හේතුවෙන් ඔස්ට්‍රේලියාවට පැමිණීමට නොහැකි වන ජාත්‍යන්තර සිසුන්ට වෙනත් සුදුසු වීසා කාණ්ඩයක් තෝරාගන්නා ලෙස ෆෙඩරල් රජය උපදෙස් ලබාදී තිබෙනවා.

Read More »

ඩොලර් 100 නෝට්ටුව ගැන ජනතාවට දැනුම්දීමක්

විදෙස් රටකදී ඔස්ට්‍රේලියානු ඩොලර් 100 නෝට්ටුවක් මාරු කිරීමට යාමේදී සිදු වූ අපහසුතාවක් පිළිබඳ ඔස්ට්‍රේලියා සංචාරකයෙකු විසින් ජනතාවට දැනුම්දීමක් සිදුකර තිබෙනවා.

Read More »

මෙල්බන් බලා ආ ගුවන් යානයක කලබලයක් නිසා හදිසි ගොඩබැස්වීමක්

පර්ත් සිට මෙල්බර්න් දක්වා පියාසර කරමින් තිබූ වර්ජින් සමාගමේ යානයක් මගියෙකුගේ කලහකාරී හැසිරීමක් හේතුවෙන් නැවත පර්ත් වෙත හදිසි ගොඩබැස් වීමක් සිදු කර තිබෙනවා.

Read More »

සිඩ්නි Cooks ගං ඉවුරේ දරු ප්‍රසූතියක් කළ මව සොයා මෙහෙයුම්

සිඩ්නිහි කුක්ස් ගං ඉවුරේදී කාන්තාවක් දරු ප්‍රසූතියක් සිදු කර ඇති බවට සාක්ෂි හමුවීම හේතුවෙන් පොලිසිය විශේෂ විමර්ශනයක් ආරම්භ කර තිබෙනවා.

Read More »

බටහිර ඔස්ට්‍රේලියාවේ ගිනි අවි සම්බන්ධ නීති දැඩි කිරීමට පියවර

පසුගියදා පර්ත්හි සිදුවූ වෙඩි තැබීමකින් මවක් සහ ඇයගේ දියණිය ඝාතනයෙන් පසු ගිනි අවි සම්බන්ධ නීති දැඩි කරන බවට බටහිර ඔස්ට්‍රේලියානු අගමැති රොජර් කුක් පොරොන්දු වී තිබෙනවා.

Read More »