බ්රසීලයේ පිහිනුම් ක්රීඩිකාවක් වන ඇනා කැරොලිනා වියේරා (Ana Carolina Vieira) තම පෙම්වතා සමඟ රහසින් ඔලිම්පික් ගම්මානයෙන් පිටවීමේ චෝදනා මත වහාම පැරීසියෙන් පිටව යන ලෙසට නියෝග කර තිබෙනවා.
Vieira ගේ පෙම්වතා වන Gabriel Santos ද බ්රසීලි පිහිනුම් ක්රීඩකයෙක් වන අතර ඔහුට මෙම විනය විරෝධී ක්රියාව සම්බන්ධයෙන් අනතුරු ඇඟවීමක් පමණක් සිදු කර ඇති බවයි සඳහන් වන්නේ.
මෙම යුවළ කිසිදු නිල අවසරයකින් තොරව පැරිස් නගරයේ රාත්රී ජීවිතය භුක්ති විඳීමට ඔලිම්පික් ගම්මානයෙන් පිටව ගොස් ඇති බවට චෝදනා එල්ල වී තිබෙනවා.
.
ඔවුන් එලෙස සංචාරය කිරීමේදී ලබා ගත් ඡායාරූප කිහිපයක් සමාජ මාධ්යවල පළ කිරීමත් සමඟ මේ සම්බන්ධයෙන් බලධාරීන්ගේ අවධානය යොමුවී තිබුණා.
මේ සම්බන්ධයෙන් ගත් විනය පියවරට ඇනා කැරොලිනා, අගෞරවනීය සහ ආක්රමණශීලී ආකාරයෙන් විරුද්ධ වූ බවයි බ්රසීල ඔලිම්පික් බලධාරීන් ප්රකාශ කළේ.
22 හැවිරිදි Carolina Vieira මීටර 4×100 නිදහස් ආර පිහිනුම් කණ්ඩායමේ සාමාජිකාවක් වූ අතර ඔවුන් තරඟාවලියේ 12 වැනි ස්ථානයට පත් වීම හේතුවෙන් අවසන් මහා තරගයට පිවිසීමට හැකියාවක් ලැබුණේ නැහැ.
බ්රසීල නියෝජිත පිරිසෙන් ඉවත් කරන විට හුදෙකලා වූ බවත් තමන් කිසිදු විෂමාචාර ක්රියාවකට සම්බන්ධ නොවූ බවත් මේ වන විට නීතීඥවරුන්ගෙන් උපදෙස් ලබා ගනිමින් සිටින බවත් ඇය ප්රකාශ කර තිබෙනවා.
