ඔස්ට්රේලියාවේ ශක්තිමත්ම ආර්ථිකය සහිත ප්රාන්තය ලෙස දකුණු ඔස්ට්රේලියාව පෙරමුණට පැමිණ ඇති බවට CommSec විසින් නිකුත්කළ State of the States වාර්තා මගින් හෙළිව තිබෙනවා.
ඒ අනුව ශක්තිමත් රැකියා වෙළඳපොල සහ ඉදිකිරීම් අංශයන්හි පවතින දියුණුව හේතුවෙන් දකුණු ඔස්ට්රේලියාව මෙලෙස ඉදිරියට පැමිණ ඇති බවයි සඳහන් වන්නේ.
වාර්තා අනුව ඔස්ට්රේලියාවේ ශක්තිමත්ම ආර්ථිකය සහිත දෙවන ප්රාන්තය ලෙස බටහිර ඔස්ට්රේලියාව නම් කර ඇති අතර වික්ටෝරියා ප්රාන්තයට හිමිව ඇත්තේ තුන්වන ස්ථානයයි.
ඉහළම කාර්ය සාධනය සහිත රාජ්යය ලෙසට ද දකුණු ඔස්ට්රේලියාව නම් කර ඇති අතර සෑම ප්රාන්තයක් සහ ප්රදේශයක්ම කාර්තුමය වශයෙන් දර්ශක අටක් භාවිතා කරමින් මෙම තක්සේරු කිරීම සිදු කර තිබුණා.
ආර්ථික වර්ධනය, සිල්ලර වියදම්, ආයෝජන, විරැකියාව, ඉදිකිරීම් ක්ෂේත්ර, ජනගහන වර්ධනය, නිවාස, මූල්ය යන ක්ෂේත්ර අධ්යයනයට යොදා ගත් දර්ශක අතරට අයත්.
දකුණු ඔස්ට්රේලියා වැඩ අවසන් කරන ලද ගොඩනැගිලි, වාසස්ථාන ආරම්භය සහ විරැකියාව සම්බන්ධයෙන්
තවමත් අනෙකුත් ප්රාන්ත සහ ප්රදේශවලට සාපේක්ෂව ඉදිරියෙන් සිටි බව CommSecහි ජ්යෙෂ්ඨ ආර්ථික විද්යාඥ Ryan Felsman සඳහන් කර තිබෙනවා.
