ශාඛමය ආහාර මගින් ජීව විද්යාත්මකව තරුණ වීමේ හැකියාවක් පවතින බව නව අධ්යයනයකින් අනාවරණ වී තිබෙනවා.
ඇමරිකා එක්සත් ජනපද සමීක්ෂණ කණ්ඩායමක් මෙම අධ්යනය සිදු කර ඇත්තේ නිවුන් වැඩිහිටි යුගළ 21ක් යොදා ගනිමින්.
එහිදී එම නිවුන් යුගලයෙන් එක් අයෙකුට සති අටක් මස් මාංශ සහ කිරි නිෂ්පාදන ඇතුලත් මිශ්ර ආහාරයක් ලබා දුන් අතර අනෙක් පුද්ගලයාට එම සති 8 තුළ මස් මාංශවලින් තොර ශාඛමය ආහාර වේලක් ලබා දී තිබෙනවා.
මිශ්ර ආහාර වේලට දිනකට මස් ග්රෑම් 170 සිට 225 දක්වා ප්රමාණයක්, බිත්තරයක් සහ කිරි නිෂ්පාදන ඇතුළත් වූ බව සඳහන්.
අනතුරුව අධ්යයනය ආරම්භක අවස්ථාවේ, හතරවන සතියේ සහ අටවන සතියේ ලබා ගන්නා ලද රුධිර සාම්පල විශ්ලේෂණය කිරීමෙන් මෙම කණ්ඩායමේ DNA සහ ජාන ක්රියාකාරීත්වයට ආහාරවල ඇති බලපෑම විමර්ශනය කර තිබෙනවා.
මෙම අධ්යයනයේ අවසානය වන විට ජීව විද්යාත්මකව වයස පිළිබඳ ඇස්තමේන්තු වල වෙනසක් නිරීක්ෂණය වී ඇති බවයි සඳහන් වන්නේ.
නිර්මාංශ අහාර ලබා ගත් පුද්ගලයන්ගේ හෘදය, හෝමෝන සහ අක්මාව වැනි සිරුරු කොටස්වල වයසේ අඩු වීමක් ද නිරීක්ෂණය වී තිබෙනවා.
නිර්මාංශ ආහාරවල දිගුකාලීන බලපෑම්වලට අමතරව ආහාර සංයුතිය, බර සහ වයස්ගත වීම අතර සම්බන්ධය විමර්ශනය කිරීම සඳහා වැඩිදුර පර්යේෂණ අවශ්ය බවයි සමීක්ෂකයන් ප්රකාශ කර ඇත්තේ.
