ඇඩිලේඩ් ගුවන් තොටුපළේ ආරක්ෂක කටයුතුවල බිඳවැටීමක් හේතුවෙන් සියලු මගීන් සහ කාර්ය මණ්ඩලය ප්රධාන පර්යන්තයෙන් සම්පූර්ණයෙන්ම ඉවත් කිරීමට පියවර ගෙන තිබෙනවා.
අද උදෑසන 11ට පමණ ප්රධාන පර්යන්තයේ මගීන් පරික්ෂාවේදී සිදු වූ නීති උල්ලංඝණයක් හේතුවෙන් සියලු මගීන් සහ කාර්ය මණ්ඩලය නැවත පරික්ෂාවට ලක් කිරීම මීට හේතුව බවයි වාර්තා වන්නේ.
ඇඩිලේඩ් ගුවන් තොටුපළ බලධාරීන් නිවේදනයක් නිකුත් කරමින් කියා සිටියේ ප්රාදේශීය ගුවන් යානයකින් පැමිණි මගීන් ප්රමාණවත් පරීක්ෂාවකින් තොරව පර්යන්තයට ඇතුළු වී ඇති බවයි.
එහි ප්රතිඵලයක් ලෙස පර්යන්තයේ සියලු මගීන් සහ කාර්ය මණ්ඩලය ඉවත් කරන ලද අතර සියලු මගීන් නැවත පරීක්ෂා කිරීමට සිදු වී තිබෙනවා.
ගුවන් සේවා ආරක්ෂක නිලධාරීන් සමඟ ෆෙඩරල් පොලිසියේ නියෝජිතයන් මෙම තත්ත්වය කළමනාකරණය කරමින් සිටින බව සඳහන්.
ගුවන් තොටුපළේ මගීන් නැවත පරීක්ෂා කිරීම සිදු වෙමින් පවතින අතර එහි ප්රතිඵලයක් ලෙස ගුවන් ගමන් ප්රමාදයන් ද පවතින බවයි මගීන්ට දැනුම් දෙන්නේ.
ආරක්ෂක කටයුතු වැඩි කර ඇති බැවින් සිදු විය හැකි ප්රමාදයන් අවම කර ගැනීම සඳහා කල් වේලා සහිතව ගුවන් තොටුපළට පැමිණෙන ලෙස ද දැනුම් දී තිබෙනවා.
