පසුගිය දිනවල ශ්‍රී ලංකාවේ ජාතික ධජය සහිත පාපිස්නා විකිණීමට Amazon වෙබ් අඩවියේ තිබූ වෙළඳදැන්වීම ඉවත් කර ගෙන ඇති බවට සඳහන් වේ.
ශ්‍රී ලංකා ධජය සහිත පාපිස්නා නිෂ්පාදනය කිරීම සම්බන්ධයෙන් සිදුකරන විමර්ශන පිළිබදව අවධානයෙන් සිටින බව චීනය සඳහන් කරයි.
ජාතික ධජවලට පූර්ණ ගෞරවය දැක්විය යුතු බව ශ්‍රී ලංකාවේ පිහිටි චීන තානාපති කාර්යාලය නිවේදනයක් නිකුත් කරමින් ද කියා සිටියා. අදාළ භාණ්ඩ නිෂ්පාදකවරයා චීනයේ වන අතර ඒ සම්බන්ධයෙන් සොයා බලන ලෙස විදේශ කටයුතු අමාත්‍යාංශය බීජිංහි පිහිටි ශ්‍රී ලංකා තානාපති කාර්යාලයට දැනුම්දී තිබෙනවා.
ඊට අමතරව අදාළ භාණ්ඩ අලෙවිකරන Amazon වෙබ් අඩවියේ මූලස්ථානය පිහිටා ඇත්තේ අමෙරිකාවේ වන බැවින් ඒ පිළිබඳව සොයාබලන ලෙස වොෂිංටන්හි පිහිටි ශ්‍රී ලංකා තානාපති කාර්යාලයට ද විදේශ කටයුතු අමාත්‍යාංශය දැනුම් දී ඇති බවයි වාර්තා වන්නේ.
