කාන්තා ආසියානු කුසලාන පන්දු වාර 20 ක්රිකට් තරගාවලියේ අවසන් මහා තරගය අද (28) පැවැත්වෙනවා.
ඒ සත්කාරක ශ්රී ලංකා කණ්ඩායම හා ඉන්දීය කණ්ඩායම අතර දඹුල්ල ජාත්යන්තර ක්රීඩාංගනයේදීයි.
මෙරට වේලාවෙන් අද පස්වරු 7.30ට තරගය ආරම්භ වීමට නියමිත අතර ශ්රී ලංකා කණ්ඩායමේ නායිකා චමරි අතපත්තු ඉල්ලා සිටියේ අවසන් මහා තරගයේදීත් ශ්රී ලංකාවට ශක්තියක් වීම සඳහා තරගය නැරඹීමට පැමිණෙන ලෙසටයි.
ශ්රී ලංකා ක්රීඩා ලෝලීන්ගෙන් ලැබුණු ශක්තිය තමන් ඇතුළු කණ්ඩායමට අවසන් මහා තරගය දක්වා යෑමට ආශිර්වාදයක් වූ බවද ඇය සිහිපත් කළා.
2004 වසරේදී ආරම්භ වූ ආසියානු කුසලාන කාන්තා ක්රිකට් තරගාවලිය එක්දින මෙන්ම පන්දු වාර 20 යන ආකෘති ද්විත්වයෙන්ම පැවැත්වෙනවා.
එම තරගාවලිවල බහුතරයක් ජයග්රහණය කර ඇත්තේ ඉන්දීය කාන්තා කණ්ඩායමයි.
2018 වසරේදී බංග්ලාදේශ කණ්ඩායම විසින් ඉන්දියාව පරාජය කිරීම හැරුණුකොට මේ දක්වා පැවැති 2004, 2005, 2006, 2008, 2012, 2016 හා 2022 යන සෑම අදියරකදීම ජය හිමිකරගෙන සිටින්නේ ඉන්දියාවයි.
