මෙවර ඔලිම්පික් උලෙළේ සත් සාමාජික රග්බි තරගාවලියේ අවසන් පූර්ව වටයට සුදුසුකම් ලබා ගැනීමට ඔස්ට්රේලියා කණ්ඩායම සමත්වී තිබෙනවා.
අද උදෑසන පැරීසියේ පැවති තරගයේදී ඇමෙරිකා එක්සත් ජනපදයට එරෙහිව ලකුණු 18-0ක දැවැන්ත ජයක් ලබමිනුයි ඔස්ට්රේලියා පිරිමි සත් සාමාජික කණ්ඩායම මෙලෙස අවසන් පූර්ව වටයට සුදුසුකම් ලබා ගත්තේ.
මේ අනුව ෆීජි කණ්ඩායම සමග ඔස්ට්රේලියාව අවසන් පූර්ව තරගයේදී ක්රීඩා කරනු ඇති.
ඔස්ට්රේලියාවේ සත් සාමාජික රග්බි කණ්ඩායම ඉතිහාසයට එක්වන්නේ ඔලිම්පික් තරගාවලියක අවසන් පුර්ව වටයට පිවිසි පළමු අවස්ථාව මෙය ලෙසටයි.
ඔස්ට්රේලියා කණ්ඩායම ඇමරිකාව සමග අර්ධ අවසන් පූර්ව වටයට පිවිසුණේ ප්රබල කණ්ඩායමක් වන ආර්ජන්ටිනාව ද පරාජයට පත් කිරීමෙන් පසුවයි.
කණ්ඩායම් අදියරේදී ද සැමෝවා, කෙන්යාව පරාජය කළ ඔස්ට්රේලියාව මෙවර පැරිස් ක්රීඩා උළෙලේදී අපරාජිතව සිටිනවා.
ඔස්ට්රේලියාව රියෝ සහ ටෝකියෝ හි පැවති ඔලිම්පික් උලෙළවලදී රග්බි තරගවල පිළිවෙළින් අටවැනි සහ හත්වැනි ස්ථාන ලබා ගත් අතර එම වසර දෙකේදීම ෆීජි කණ්ඩායම රන් පදක්කම දිනා ගෙන තිබෙනවා.
