ඔස්ට්රේලියානුවන් වැඩි පිරිසක් ඩොලර් 1000ට වඩා අඩු ඉතුරුම් වත්කමක් සහිතව ජීවත් වන බව නවතම අධ්යනයක දී හෙළිව තිබෙනවා.
ඔස්ට්රේලියානුවන් මිලියන 3.4ක පමණ පිරිසකට මෙලෙස ඩොලර් 1000ක හෝ ඉතුරුම් තැම්පතුවක් නොමැතිව ජීවත් වන බවයි සමීක්ෂණයේ දී හෙළිවී ඇත්තේ.
InfoChoice state of Aussies හි ඉතුරුම් සමීක්ෂණවලට අනුව උද්ධමනය සහ පොලී අනුපාත ඉහළ යෑම හේතුවෙන් මෙලෙස ඉතුරුම් තැම්පතුවක් පවත්වාගෙන යා නොහැකි බව අනාවරණය වී තිබෙනවා.
සමීක්ෂණයට ප්රතිචාර දැක්වූ පුද්ගලයින් 1000ක් අතුරින් සියයට 16කට පමණ ඩොලර් 1000ට වඩා අඩු ඉතුරුමක් ඇති අතර තවත් සියයට 49ක් සදහන් කළේ ආහාර, බලශක්තිය සහ නිවාස වැනි අත්යවශ්ය දෑ මිල දී ගැනීමටවත් ප්රමාණවත් ඉතුරුමක් හෝ නොමැති බවයි.
මාසිකව නිවාස කුලී ගෙවීමට සිදුවීම හේතුවෙන් මෙලෙස ඉතුරුම් තැම්පතුවක් පවත්වාගෙන යා නොහැකි බව මේ සදහා ප්රතිචාර දැක්වූවන්ගෙන් සියයට 50.2 ක් ප්රකාශ කර තිබෙනවා.
මෙම අධ්යනය වයස් මට්ටම් අනුව සිදු කර ඇති අතර තරුණ ප්රජාවට සාපේක්ෂව වැඩිහිටි ඔස්ට්රේලියානුවන් අතර ඉතුරුම් තැම්පතු පවතින බව හෙළිව තිබෙනවා.
තවද කාන්තා සහ පිරිමි දෙපාර්ශවයම අනවශ්ය ලෙස වියදම් සිදු කරන අංශ පිළිබඳව ද මෙහිදී හෙළිවී ඇති අතර කාන්තාවන් රූපලාවන්ය ද්රව්ය වැනි භාණ්ඩ සඳහා වැඩි වශයෙන් වියදම් කරන බවයි අනාවරණ කර ඇත්තේ.
එමෙන්ම පිරිමි පුද්ගලයන් සූදුවට මුදල් වියදම් කිරීමට තුන් ගුණයකින් වැඩි වී ඇති අතර මත්ද්රව්ය සඳහා වියදම් කිරීමට අට ගුණයකින් වැඩි වීමේ ප්රවනතාවක් පවතින බවද එහිදී හෙළිව තිබෙනවා.
