බටහිර ඔස්ට්රේලියාවේ කිම්බර්ලි ප්රදේශයේ හෙලිකොප්ටර් දෙකක් එකිනෙක ගැටීමෙන් සිදු වූ අනතුරකින් එහි නියමුවන් දෙදෙනා මියගොස් තිබෙනවා.
අද පෙරවරු 6.20ට පමණ කැම්බලින්හි (Camballin) මවුන්ට් ඇන්ඩර්සන් (Mount Anderson) අසලින් පිටත් වූ හෙලිකොප්ටර් යානා ගවයන් ඒකරාශී කරමින් සිටියදී එකිනෙක ගැටී ඇති බව සඳහන්.
බටහිර ඔස්ට්රේලියා පොලිසිය පැවසුවේ අවුරුදු 29 සහ 30 හැවිරිදි වියෙහි පසු වූ නියමුවන් දෙදෙනා එම ස්ථානයේදීම මියගොස් ඇති බවයි.
අනතුර පිළිබඳ ඔස්ට්රේලියානු ප්රවාහන ආරක්ෂණ කාර්යාංශයට දැනුම් දී ඇති අතර මේ සම්බන්ධයෙන් විමර්ශනයක් ද ක්රියාත්මකයි.
ඕස්ට්රේලියානු ප්රවාහන ආරක්ෂණ කාර්යාංශය (ATSB) ද මේ පිළිබඳ පරීක්ෂණයක් පවත්වන අතර, කැන්බරා සහ බ්රිස්බේන් සිට විමර්ශන කණ්ඩායමක් එම ස්ථානයට යන බව සඳහන්.
මෙම විමර්ශනයේදී ආරක්ෂක ගැටළුවක් හඳුනා ගතහොත් අදාළ පාර්ශවයන් වෙත දැනුම් දී විශේෂ ආරක්ෂිත පියවර ගැනීමට ද සුදානම් බවයි බලධාරීන් සඳහන් කළේ.
