නව සම සමාජ පක්ෂයේ නායක ආචාර්ය වික්රමබාහු කරුණාරත්න අභාවප්රාප්ත වී තිබෙනවා.
.
1943 මාර්තු මස 8 වැනිදා බදුල්ල ලුණුගල ප්රදේශයේ උපත ලැබූ ඔහු මිය යනවිට 81 වන වියේ පසුවුණා.
මතුගම ආනන්ද ශාස්ත්රාලයෙන් ප්රාථමික අධ්යාපනය ලැබු ඔහු ද්විතීයික අධ්යාපනය ලැබුවේ කොළඹ ආනන්ද විද්යාලයෙන්.
කේම්බ්රිජ් විශ්වවිද්යාලයේ අධ්යාපනය ලැබීම සඳහා පොදුරාජ්ය මණ්ඩලීය ශිෂ්යත්වයක් ලද වික්රමබාහු කරුණාරත්න 1970 වසරේදී ආචාර්ය උපාධියක් ද ලබාගත්තා.
වාමාංශික දේශපාලන නායකයෙකු වූ වික්රමබාහු කරුණාරත්න කම්කරු සටන් වෙනුවෙන් කැපී පෙනෙන මෙහෙවරක නිරත වීම හේතුවෙන් සිරගත වීමට පවා ලක්වූ අයෙක්.
එමෙන්ම වාමාංශික දේශපාලනය වෙනුවෙන් සිය ජීවිත කාලයම කැප කළ ඔහු අසීරු අවස්ථාවන්හිදී පවා නොවෙනස්ව තම ප්රතිපත්ති වෙනුවෙන් පෙනී සිටි නායකයෙක් ලෙසටයි සැලකෙන්නේ.
වික්රමබාහු කරුණාරත්න මහතාගේ දේහය පිළිබඳ අවසන් කටයුතු සම්බන්ධයෙන් පසුව දැනුම් දෙන බවයි පවුලේ ඥාතීන් සඳහන් කළේ.
