අතිකාල සේවා වංචාවක් සම්බන්ධයෙන් වික්ටෝරියා ගිලන්රථ සේවකයින් පිරිසකගේ වැඩ තහනම් කිරීමට ප්රාන්ත සෞඛ්ය බලධාරීන් පියවර ගෙන තිබෙනවා.
මෙම සේවකයින් වැටුප් දෙපාර්තමේන්තුවෙන් වංචනික ලෙස අතිකාල ඉල්ලා ඇති බවට සහ ඔවුන් රැකියාවේ නිරත නොවූ සේවා මුර සඳහා ගෙවීම් කර ඇති බවට චෝදනා එල්ල වී ඇති බවයි වාර්තා වන්නේ.
වික්ටෝරියා ගිලන් රථ සේවය පැවසුවේ මේ සම්බන්ධයෙන් විධිමත් පරීක්ෂණයක් සිදුවෙමින් පවතින බවයි.
වැඩ තහනමට ලක්වූ සේවකයන් වංචා කළ බවට චෝදනා එල්ල වී ඇති මුදල් ප්රමාණය ඩොලර් මිලියන 3.5ක්.
2023 වසරේ මුල් භාගයේදී වික්ටෝරියා ගිලන් රථ සේවයේ ප්රධාන විධායක නිලධාරියාට ද මෙම චෝදනා එල්ල වූ අතර පසුව එය දූෂණ විරෝධී කොමිසම (IBAC) වෙත යොමු කෙරුණා.
සේවකයින්ට මේ සම්බන්ධයෙන් ප්රතිචාර දැක්වීමට අවස්ථාව ලබා දී ඇති අතර වික්ටෝරියා රජයේ ප්රකාශකයෙකු පැවසුවේ සේවකයන්ගේ හැසිරීම කිසිසේත්ම පිළිගත නොහැකි බවයි.
