වික්ටෝරියා ප්රාන්තයේ ස්ත්රී පුරුෂ සමානාත්මතාව ස්ථාපිත කිරීමේ අරමුණින් පොදු ස්මාරක කිහිපයක් කාන්තාවන්ගේ නමින් නම් කිරීමට ප්රාන්ත රජය පියවර ගෙන තිබෙනවා.
ඒ අනුව වික්ටෝරියා ප්රාන්තයේ අනුස්මරණ ස්ථාන නාමවලින් තුනෙන් දෙකකට වඩා කාන්තාවන්ට ගෞරවය දැක්වීමේ අරමුණින් නම් කරන බව සඳහන්.
පිරිමින්ට දක්වන ඇගයීමට සාපේක්ෂව කාන්තාවන්ගේ ජයග්රහණ සඳහා ද ප්රමාණවත් පිළිගැනීමක් වික්ටෝරියා ප්රාන්තය තුළ ලබා දී නොමැති බව පසුගියදා ප්රකාශයට පත්වී තිබුණා.
ඒ අනුව ඉදිරි වසර තුන තුළ සියලුම අතිරේක සැමරුම් ස්ථානවලින් සියයට 70ක් විශේෂ ඇගයීම්වලට ලක්වූ වික්ටෝරියානු කාන්තාවන්ගේ නමින් නම් කිරීමේ ඉලක්කයක් පවතින බව සඳහන්.
2027 වන විට තදාසන්න ප්රදේශ, මාර්ග, පාසල්, උද්යාන, ගොඩනැගිලි සහ ප්රජා පහසුකම් ඇතුළුව නව ස්ථාන 6,000කට වැඩි ප්රමාණයක් කාන්තාවන්ගේ නම්වලින් නම් කිරීමට රජයේ අපේක්ෂාව වී තිබෙනවා.
මේ සඳහා කාන්තාවන් නම් කිරීමට වික්ටෝරියානුවන්ට නාමයෝජනා ඉදිරිපත් කරන ලෙසටද දැනුම් දී තිබෙනවා.
2027 වසර වන විට පොදු උද්යන, මහා මාර්ග සහ තදාසන්න ප්රදේශ ආශ්රිත ඉදිවන ස්මාරක වැඩි ප්රමාණයක් සඳහා කාන්තා නම් ලබා දෙනු ඇති බව සඳහන්.
