2022 වසරේ මාර්තු 13 වනදා මෙල්බර්න් හිදී 16 හැවිරිදි පිරිමි ළමයෙකු අමානුෂික ලෙස ඝාතනය කිරීම සම්බන්ධයෙන් වැරදිකරුවන් වූ තවත් බාල වයස්කරුවන් 4 දෙනෙකුට සිර දඬුවම් නියම කර තිබෙනවා.
තම මිතුරන් සමග සාදයකට සහභාගී වී අලුයම 2.30ට පමණ නැවත නිවසට පැමිණෙමින් සිටියදී සොරකම් කළ මෝටර් රථයකින් පැමිණ සැකකරුවන් මෙම පිරිමි ළමයාට පහරදී ඝාතනය කර ඇති බවටයි අනාවරණ වී ඇත්තේ.
පිහි ප්රහාරවලින් සිදු වූ තුවාල 56ක් සහ මොට ආයුධයකින් සිදු කළ පහරදීමෙන් ඇති වූ තුවාල 66ක් ඇතුළුව තුවාල 152ක් හේතුවෙන් මෙම ළමයා මරණයට පත්ව තිබුණා.
මෙම සම්පූර්ණ ප්රහාරය CCTV කැමරාවක සටහන්ව තිබු අතර ඒ අනුව කළ විමර්ශනවලදී අවුරුදු 13, 14, 16 සහ 18 වයස්වල පසුවන සැකකරුවන් අත්අඩංගුවට ගෙන තිබෙනවා.
වික්ටෝරියානු ශ්රේෂ්ඨාධිකරණය මෙම ඝාතනයට අදාළව මෙම බාල වයස්කරුවන් වැරදිකරුවන් බවට තීන්දු කිරීමෙන් පසු ඔවුන්ට වසර 19 සහ 18 බැගින් වූ සිර දඬුවම් නියම කර ඇති බවයි වාර්තා වන්නේ.
මේ අතර මෙම ඝාතනයට සම්බන්ධ තවත් අවුරුදු 14 සහ 16 වයස්වල පසු වූ පිරිමි ළමයින් තුන් දෙනෙකුට පසුගිය සතියේ වසර 15ක සහ 4ක සිර දඬුවම් නියම කර තිබුණා.
