ලොව රටවල් රැසකට බලපෑම් එල්ල වූ තාක්ෂණික බිඳවැටීම හේතුවෙන් ඇමරිකා එක්සත් ජනපදයේ ගුවන් ගමන් 1500කට වැඩි ප්රමාණයක් අද දිනයේත් අවලංගු කර ඇති බව වාර්තා වනවා.
තාක්ෂණික ගැටලුව යථා තත්වයට පත්වීම සෙමෙන් සිදුවන බැවින් ඇමරිකාවේ ගුවන් මගීන් තුන්වන දිනටත් දැඩි අපහසුතාවන්ට පත්වී ඇති බවයි වාර්තා වන්නේ.
මෙම තත්වය මත රටවල් රැසක මගීන් දහස් ගණනක් ගුවන් තොටුපලවල අතරමං වූ අතර එය තවමත් ක්රමයෙන් යථා තත්වයට පත් වෙමින් පවතිනවා.
ෆ්ලයිට් අවෙයා ඩොට් කොම් (FlightAware.com) වෙබ් අඩවියට අනුව ඇමරිකා එක්සත් ජනපදයට පැමිණෙන හෝ පිටත් වන ගුවන් ගමන් 1600ක් පමණ ඉරිදා සවස් වන විට අවලංගු කර තිබුණා.
CrowdStrike සයිබර් ආරක්ෂණ සමාගම විසින් මයික්රොසොෆ්ට් වින්ඩෝස් මෙහෙයුම් පද්ධතිවල මෘදුකාංග යාවත්කාලීන කිරීමක් හේතුවෙන් ලොව පුරා ව්යාපාර, රාජ්ය ආයතන, සෞඛ්ය සහ හදිසි සේවා, බැංකු, පාසල් සහ විශ්ව විද්යාල වැනි සේවා රැසක් අඩාල වී තිබුණා.
මයික්රොසොෆ්ට් ආයතනයට අනුව මෙම සේවා ඇනහිටීම වින්ඩෝස් මෙහෙයුම් පද්ධති භාවිතා කරන උපාංග මිලියන 8.5කට බලපෑම් එල්ල කර ඇති බව සඳහන්.
CrowdStrike හි ප්රධාන විධායක නිලධාරී ජෝර්ජ් කර්ට්ස් මේ පිළිබඳ පාරිභෝගිකයින්ගෙන් සමාව අයැද සිටි අතර නිවැරදි කිරීම් කඩිනමින් සිදු කරන බව ප්රකාශ කළා.
එහෙත් තාක්ෂණික ක්ෂේත්රයේ ප්රවීණයන් පවසන්නේ පද්ධති යථා තත්ත්වයට පත් කිරීම දීර්ඝ කාලීන ක්රියාවලියක් වනු ඇති බවයි.
