මෙල්බර්න් Bentleigh East ප්රදේශයේ නිවසකදී පුද්ගලයෙකු මියගොස් තවත් කාන්තාවක් අසාධ්ය තත්වයෙන් රෝහල් ගත කිරීමේ සිදුවීමක් පිළිබඳ පොලිසිය පරීක්ෂණ ආරම්භ කර තිබෙනවා.
සිද්ධියට අදාළව එම ස්ථානයේදීම ප්රදේශයේ 20 හැවිරිදි තරුණයෙකු ද පොලිස් අත්අඩංගුවට ගෙන ඇති බව සඳහන්.
ඊයේ රාත්රී 8ට පමණ හදිසි සේවා වෙත ලැබුණු තොරතුරකට අනුව බෙන්ට්ලි ඊස්ට් ප්රදේශයේ නිවසකට නිලධාරීන් පැමිණ ඇති අතර එහි බරපතළ තත්වයේ සිටි කාන්තාවටට මූලික ප්රතිකාර ලබාදී රෝහල් ගත කර තිබෙනවා.
එක් අයෙකු එම ස්ථානයේදීම මිය ගොස් ඇති අතර ඔහුගේ අනන්යතාව තවමත් හඳුනාගෙන නැහැ.
පිරිමි පුද්ගලයන් දෙදෙනෙකු සහ කාන්තාවක් අතර ඇති වූ කිසියම් ආරවුලක් හේතුවෙන් මෙලෙස එක් අයෙකු මියගොස් ඇති බවටයි විශ්වාස කෙරෙන්නේ.
අත්අඩංගුවට ගත් සැකකරුට මිනීමැරුම් චෝදනාවක් සහ මිනීමැරීමට තැත්කිරීමක් සම්බන්ධයෙන් චෝදනා එල්ල වී තිබෙනවා.
වික්ටෝරියා පොලිසිය පැවසුවේ මෙම සිදුවීමට අදාළ විමර්ශන තවදුරටත් සිදු වන අතර මෙම සිදුවීමට සම්බන්ධ නිශ්චිත තොරතුරු මෙතෙක් අනාවරණ වී නොමැති බවයි.
