මෙල්බර්න් Deer Park ප්රදේශයේ පිහිටි ප්ලාස්ටික් කර්මාන්ත ශාලාවක විශාල ගින්නක් හටගෙන තිබෙනවා.
අද පෙරවරු 7.30ට පමණ බැලරට් මාර්ගයේ පිහිටි ගොඩනැගිල්ලේ හටගත් ගින්න මැඩ පැවැත්වීම සඳහා ගිනි නිවන භටයන් 80ක් ඇතුළු හදිසි සේවා නිලධාරීන් පැමිණ සිටි බවයි වාර්තා වන්නේ.
කෙසේවෙතත් ගිනි නිවීම් නිලධාරීන් පපැමිණෙන අවස්ථාව වන විට ප්ලාස්ටික් පැලට් නිෂ්පාදනය කරන කර්මාන්තශාලාව සම්පූර්ණයෙන්ම පාහේ ගිනිගෙන තිබූ අතර එහි සිටි පස් දෙනෙකු ආරක්ෂිතව ඉවත් කර තිබෙනවා.
පෙරවරු 9.20 පමණ වන විට ගින්න පාලනය කිරීමට හැකි වුව ද කර්මාන්තශාලාවෙන් තවදුරටත් කළු දුමාරයක් පිටවෙමින් පවතින බව සඳහන්.
වික්ටෝරියා හදිසි සේවා ආයතනය විසින් Ardeer, Cairnlea, Deer Park, Derrimut සහ Sunshine West හි පදිංචිකරුවන්ට මේ සම්බන්ධයෙන් අවධානයෙන් පසුවන ලෙසට දැනුම් දී ඇති බවයි වාර්තා වන්නේ.
ගින්නට හේතුව කුමක්ද යන්න මෙතෙක් අනාවරණය වී නොමැති අතර ඒ පිළිබඳව වික්ටෝරියා පොලිසිය පරීක්ෂණ සිදු කරනවා.
මෙල්බන් ඩෙරිමට් ප්රදේශයේ රසායනික ද්රව්ය කම්හලක ගින්නක් හේතුවෙන් අහිතකර රසායනික සහිත දුමක් පැතිර ගොස් සතියකට පමණ පසුවයි මෙම ගින්න වාර්තා වී ඇත්තේ.
